بيبو مطلوب حالا تحت الميكرسكوب

كنت بعمل إيه في السعودية
بصي يا أيوت
أنا كنت في السعودية عايش حياة جميلة
وده علشان الجو الأسري الجميل اللي بيكون
الواحد عايش فيه وبيؤدي طبعا للترابط والتماسك
والتربية الصحيحة ، وده بسبب إن هناك غربة فبيكون
جميع الأفراد مجتمعون الخروج مع بعضنا البعض ،
أنا كنت بعمل إيه بقى
كنت بروح المدرسة وأرجع منها أتغدى
وبعدين أروح التحفيظ في المسجد بعد العصر
وبعدين أروح البيت أذاكر وأقعد مثلا قدام التليفزيون
شوية ولو هنخرج بالليل نروح أي مكان ، ده يومي
وفي آخر الأسبوع بيبقى عندي الخميس والجمعة أجازة
كنا بنروح مكة علشان الحرم نقضي هناك ونرجع
الجمعة بالليل ويبدأ الأسبوع من جديد ولو في وسط
الأسبوع بقى أخرج أنا واخويا شوية نروح اي حتة في
جدة المدينة اللي كنا فيها وبسسسسسسسسسسس ...

سؤال جميل أيوت

هو انت فهمت شؤالي غلط بس كويس لان الاجابة بتاعتك حلوة
بس انا كان قصدي يعني انتوا كنتم هناك علشان والدك بيشتغل مثلا ولا انت ولا ايه؟؟

هئوم اتغدى ورجعه
بس مش هرجع فاضيه
aa1

أهااااااااااااااااااااا
تصدقي انا استغربت في الأول بس
قلت أجاوب مش هنختلف كلها معلومات
هههههههههههههههههههه
احنا كنا هناك فعلا علشان بابا
كان شغال هناك مدرس وطبعا فضل اننا نكون
معاه هناك ...

هدي اللعب يا عهووود
حرام عليكي واحدة واحدة

اوكى يا عهود انا استلمت مكانك

ماهو سبب اختيارك لأسم بيبو؟
اوصف نفسك فى جملة

حاجات سهلة اهى sm39

إيه يا عمور هتبدلوا عليا
مااااااااااااااااااااشي

سبب اختياري لبيبو مش عارف
غالبا جه معايا كده علشان أخويا كان
بيستخدم الإسم ده وبعدين سجلت بيه في
منتديان قبل المنتدى الجميل ده فاتعودت عليه...

مش عارف أوصف نفسي إزاي يا عمرو
متفائل وراضي جدا بكل اللي يجيبه ربنا

اسال ولا هتاخد بريك
aa1

براحتك يا قمــــــــــــر
خربانة خربانة

خلاص اصبر ربعه

ها يا بيبو ايه اخبارك دلوقت
أنا هسألك سؤال
ترتب أولوياتك ازاي
انهو الاول والتاني وهكذا
التخرج
تتجوز
تجيب شقة
تجيب عربية
تشتغل
؟؟

سؤال جامد يا آيوت

win

thanksss

هههههههههههههههههههه
يالهوى على السؤال دا يا ايوت
دا هيفرفص فى ايديكى
وبالاخص مع السؤال دا
انا حافظ الواد
44r2

أيــــــــــــــــــــــــوت
واضح إنك هتخليني أروح منكم
هههههههههههههههههههههههههه
وطبعا عمرو فرحان ورحال كماااااااان

ترتب أولوياتك ازاي
انهو الاول والتاني وهكذا
التخرج
تتجوز
تجيب شقة
تجيب عربية
تشتغل
؟؟

على فكرة انتي جايبة اختيارات قريبة أوي
من بعض بس عموما هرتبها
هو في الأول طبعا التخرج ده أساسي
بعدين أكيد هشتغل بإذن الله
وبعدين هحاول أجيب شقة
ويييجي بعد كده الجواز بإذن الله
والعربية في الآخر.....

في أسئلة تاني

يلا معنا سوال جاهز يا جميل

عندما تضطر لمجالسة شخص لا تحبه ماذا تفعل .. ؟!

عهوووووووووووووود
رجعت من جديد وبأسئلة قوية

هجاوبك وأقول
عندما أضطر لمجالسة شخص لا أحبه
ده معناه إني قعدت معاه غصب عني
أو علشان حد أعرفه قاعد معاه ، غالبا أنا
مش هتكلم معاه خالص هكون صامت وده
غالبا طبعي لما بكون مدايق من حد أو مش
بحبه مش بعرف أتكلم معاه بمعنى أصح
مش بكون طايقه خالص وبكده هحاول اقوم بسرعة..

سؤال جميل عهووود

مين اقربلك وبتحس انو فهمك اكتر مامتك ولا بابك؟؟؟
monkey

هسأل أنا كمان و إنت جاوب على راحتك

شكلك يا بيبو أقمت لبعض الوقت في دول الخليج (بدليل الرز البسمتي :hhtt:

إحكلنا رحت هناك ليه؟
وقعدت كام سنة

وإيه أكثر حاجة عجبتك هناك؟

ولما رجعت مصر كنت فرحان ولا مضايق؟

وتأقلمت بسرعة على الحياة مرة أخرى في مصر ولا لأ؟

و إيه الحاجات إللي مازالت عالقة في ذهنك لما بتتذكر أيامك التي قضتها هناك في الغربة؟

مين اقربلك وبتحس انو فهمك اكتر مامتك ولا بابك؟؟؟

السؤال ده صعب بجد علشان
هو إجابته من ناحيتي هما الاتنين قريبين مني
بس اللي فاهمني أكتر لا بابا ولا ماما فاهميني
كويس علشان أنا اللي غامض شوية وما أحد
يعرف عني حاجات كتير علشان كده بيكونوا محتارين
في حاجات كتير عني علشان أنا مش بتكلم كتير ...

أي خدمة عهووود
هاتي كل اللي عندك

روووووووووووووووووووووز
يا مرحب والله فيكي ويا أها بأسئلتك

ونبدأ
إحكلنا رحت هناك ليه؟
وقعدت كام سنة
هو أنا مولود اليمن اصلا روووز وأقمنا هناك بعد
ولادتي سنة وبعدين رجعنا مصر قعدنا خمس سنين
وبعدين سافرنا تاني للسعودية وهناك درست مرحلة إبتدائي
كاملة يعني في حدود خمس أو ست سنين ومن ثم
العودة مرة أخرى إلى هنا ومن ساعتها وانا في مصر ..

وإيه أكثر حاجة عجبتك هناك؟
بصراحة حاجات كتير جدا أكيد أنا كنت صغير بس
فعلا حسيت بعد ما نزلت إني كنت كبير قوي لما
شفت مرحلة إبتدائي هنا والعيال وشكلها وتفكيرها
وكل حاجة حسيت فعلا إني هناك كنت في ثانوي مش
ابتدائي وده علشان النضافة والتفكير والدراسة وغيرها،
طبعا إنتي قاعدة هناك وعارفة عجبني النظام والالتزام
والحياة وعدم الغلو في الأسعار الذي نشهده هنا في هذه
الأيام فالحياة هناك بسيطة جدا وابسط ما فيها المعيشة
والأكل والمصاريف ، وطبعا الحرمين المدني والمكي
وكان لهما طابعا خاص في نفسي أو في نفس كل من يذهب
حتما إلى هناك ، كثير من الأشياء التي أعجبتني..

ولما رجعت مصر كنت فرحان ولا مضايق؟
أكيد طبعا كنت زعلان جدا علشان حسيت
إننا سايب جو حلو وراجع لجو وحش ..

وتأقلمت بسرعة على الحياة مرة أخرى في مصر ولا لأ؟
بصراحة مش بسرعة بس إتأقلمت علشان
مش كان في إيدي حل تاني أعمله ...

و إيه الحاجات إللي مازالت عالقة في ذهنك لما بتتذكر أيامك التي قضتها هناك في الغربة؟
الحرم طبعا ده عمري ما هنساه وايامكي فيه

والجري فيه والطلوع والنزول من فوق لتحت
وحواليه وأيام الحج طبعا بصراحة أيام مش
تتعوض أبدا وأماكن ما في زيها ...
الحمــــــــــــــــد لله

أسئلة جميلة جدااا
رووووووز

شكراااااا بيبو و إن شاء الله لي عودة مرة أخرى

بيبووووووووووو
طبعا انا سايبك من بدرى مش عايز اتكلم
فخد دول منى واستحملنى
1- شخص تقول له عمرى ما أستغنى عنك
2- شخص تقول له حفظك الله
3- شخص تقول له ياريتك ما دخلت حياتى
دول كدا بس مش كتير يعنى
واسئلة سهلة وبسيطة خالص
بس بشرط تقول شخص واحد

ليه كده رحـــــــــــــــــالو
ما تسيبني في اللي أنا فيه
العالم دي مش بترحم يا بني
هههههههههههههههههههههههههههههه

ونقول بسم الله

- شخص تقول له عمرى ما أستغنى عنك
أمي

شخص تقول له حفظك الله
صديقي

شخص تقول له ياريتك ما دخلت حياتى
ما فيش علشان مش في حد بدخله إلا لما بيكون بمزاج

اسالى تانى
يا بيبو ولا ايه نظامك
win