خاص بأعضاء أحلي أصحاب
كل سنة وانتوا بخير
ربنا يجعل رمضان شهر خير عليكم
يا رب في رمضان السنة دي نقضي احلي اوقات حياتنا
يا ريت كمان لو بعد رمضان نتغير للأحسن
خاب وخسر من أدرك رمضان ولم يغفر له
أعضاء أحلي منتدي منتدي احلي اصحاب
الحمد لله احنا كلنا تقريبا بنحب بعض
وبنخاف علي بعض
وبنعيش مشاكل بعض
رغم اننا ما نعرفش بعض
منتدانا قوانينه تختلف عن اي منتدي تاني
كلنا ما شاء الله اخلاقنا عالية الحمد لله وملتزمين وبنحب ربنا
علشان كدة اللي بيشترك معانا في المنتدي وبيكمل للآخر
بيبقي من الصفوة
اكيد لأننا كل يوم لما بنفتح المنتدي الصبح
بنفتحه علشان نطمن علي بعض
علشان نكسب معلومة جديدة
علشان نكتب موضوع مفيد وربنا يكتبلنا عنه الأجر والثواب
مش علشان اي حاجة تانية تغضب ربنا والعياذ بالله
طيب طالما بنحب بعض كدة
انا خطرت لي فكرة
ليه ما نتجمعش علي حاجة يكون فيها خير لينا كلنا
ابكرة ان شاء الله بداية الشهر الكريم
تيجوا نقضي رمضان السنة دي بشكل نضيف
تيجوا نخلي رمضان دة احلي رمضان مر علينا
احنا هنتفق مع بعض علي اللي هنعمله
مش هيكون علينا رقيب غير ربنا سبحانه وتعالي
تيجوا نطنش المسلسلات السنة دي
انا عارفة انها حلوة وكتيرة ومسلية
لكن طاعة ربنا والله احلي
في حاجات كتير نسلي بيها صيامنا غير المسلسلات
في المصحف اللي مركون طول السنة
في الكتب الدينية اللي بنشتريها في القطر والعربيات ومش بنقراها
ليه ما نكسبش معلومات زيادة في رمضان
كمان ممكن ندخل منتديات مفيدة نقري ونستفيد ونفيد بعض
يا ريت كمان لو نقرى القرآن بتدبر
مش نختمه خمس ست مرات واحنا مش فاهمين فيه حاجة
كل الحاجات اللي بقولكم عليها دي
انا اقدر اعملها لوحدي
لكن معاكم هيكون طعمها احلي
واكيد هنشجع بعض
انا نفسي رمضان دة يكون احلي من اي وقت فات
مش عارفة ما انا يمكن يكون اخر رمضان في حياتي
يا ريت لو عندكم افكار تانية تقولوها وربنا يكرمكم يا رب
وكل سنة وانتم طيبين مرة تانية
الجمعة أغسطس 21, 2009 2:28 pm من طرف (¯`•¸·´¯) عاشقة اختها (¯`