المواطن مصري على كرسي الإعتراف

اقتباس :

يعني بقيت احرص شوية واقل مجازفة

حلوة قوي دي عجبتني

اقتباس :

يا تري عرفتي سلمي غالية عليا قد ايه
وغيرت حياتي ازاي ....؟؟؟

أيوة يا سيدي يا بخت سلمي بيك
ربنا يباركلك فيها ويرزقك يرزقها زي ما بيقولوا

حسام

متى تشعر بلذة السعاده؟

متى تشعر بلذة الالم؟

متى تشعر بمرارة وتعب الالم؟

اقتباس :

كويس كده ان مجال الاسئلة تفتح لاني مكنتش لحقتك
بالاول و انت ليك مقام كبير عندي

منورة الموضوع ديانا .. وصدقيني كل يوم مقامك بيزيد عندي اكتر من اليوم اللي قبله
ومش لوحدي .. كل احلي اصحاب كمان

ندخل ف الموضوع

اقتباس :

و س1 بنظرك اعتذار الرجل للمرأة ذل ولا احترام
ذات ؟؟

مفيش مجال للتردد ف الاجابة .. ثقافة الاعتذار لازم تكون عند الجميع
بصرف النظر عن النوع او السن او المكانة ..
الاعتذار .. اما اقرار بالحق .. او تطيبا لخاطر شخص عزيز علينا .. او اسفا علي التقصير
اما رفض الاعتذار باعتباره هزيمة نفسية .. فهو عزة بالاثم
ورفضه خوفا علي المكانة .. هو ضعف شخصية وقصور منهج
واستخدام الاعتذار في غير موضعه .. ايضا مرفوض

يعني الاعتذار عن الخطأ فضيلة واجبه

-------

اقتباس :

س2 يا ترى في عندك سر ميعرفوش اقرب الناس ليك ولا بس
اعز صديق ليك ؟؟

عندي اسرار كتير ما يعرفهاش غير الخالق عز وجل
----

اقتباس :

س3 ايه ترتيب الحاجات هاي حسب الاولية عندك .. المال ,
الاسرة , الاصدقاء ,
و اكيد السعي لنجاح مستقبلك المهني

بداية الاولوية للاسرة .. وكل ما افعله هو من اجلهم ..
فانا لا اعرف ماذا تكون فائدةة المال ان لم انفقه علي من احب وما احب

والاصدقاء .. لا استطيع ان اعيش بدونهم .. ولا اعرف لماذا نقارن بينهم وبين الاهل
وكأننا نفرق بين الشمس والقمر .. ونزكي احدهما علي الاخر

اما المال فهو اختراع حديث يترجم المشاعر الي اشياء ملموسة

واحيانا يتحول لعقبة في طريق احتياجاتنا الاساسية
-----

اقتباس :

س4 انت ظلمت حد قبل كده و ندمت و حاولت تعتذرلو بس
واخد على خاطرو و مش قابل اي تفاهل معاك؟؟

ظلمت وندمت واعتذرت حتي عفي عني من ظلمته .. بفضل الله

وروعة هذا المظلوم الكريم الذي سامحني

-----

اقتباس :

س5 بناء على السؤال اللي قبل هاد انت تظلمت قبل كده و
مقدرتش تاخد حقك لسبب من الاسباب ولا ايه ؟؟

يوووووووه ... اتظلمت كتييييييير جدا .. وما مقدرتش اخد حقي في مواقف كتيييير

والاسباب كتير علي اختلاف المواقف .. دكتور جامعة ظالم
صاحب عمل مفتري ( وما اكثرهم ) .. جار فتوة وبلطجي
وف النهاية .. انا واحد من 40مليون مظلوم في مصر وقاعد تحت الخط
- خط الفقر -
مستني حد يحط تحت اسمي خط - وابقي مهم يعني -

------

اقتباس :

اتمنى يكونوا اسئلة ظراف و خفيفين عليك و مكنش تقلت
دمي

اكيييييييييد اسئلة جميلة جدا واتمني اكون واضح ومفيد ف اجابتي

نورتي بنت غزة وفي انتظار مشاركتك دايما

شكرا ايوت .. ربنا يخليك لباباكي ويخليه ليكم يا رب
---
تمام يا روز .. ولا يوجد ما يسمي بالكهنوت في الاسلام
بمعني ان العلم لدي كهنة المعبد وقساوسة الكنيسة .. وحسب

و لا يوجد من معه توكيل من الله بفهم النصوص وتفصيل الاحكام للناس
الجميع يجتهد - ونحسبهم كذلك - .. ونحن علينا ان نستخدم عقولنا في المقارنة بين الاراء
---

اقتباس :

واحدة فيها حب المال الطاغي اللي بيخليه ما يفرقش
معاه منين جابه
والكفة الأخرى أولاده إللي ممكن يدخلوا النار بسببه
ربنا يهدي الجميع

الكارثة يا روز ان المال الحرام .. والعياذ بالله بيدمر كل حاجة ..
بيدمر البيت والابناء وعلاقتهم باباءهم كمان
يعني انا اسرق علشانهم .. وهما لما يكبروا يسرقوني ويسرقوا بعض
والضياع والنزاع بينهم يشتغل .. الخ .. وف النهاية عدم رضا الله

ربنا يعفي عننا ..

شكرا اية وروز

اقتباس :

اقتباس:

مصطفي حسني - معز مسعود ( لم اسمع لهما ولا حديث واحد ) وبالتالي لا استطيع ان احكم عليهما ..

وياترى فى سبب ولا لا .. يعنى عن قصد ولا مجتش فرصه
اصلا تسمعلهم

بامانة يا ازهرية ما جتش فرصة اصلا ..
يمكن سمعت مقتطفات بسيطة لمعز مسعود .. مش كافية اني ااقول لك رأيي فيه
---
الفضائيات .. اختراعات حديثة بالنسبة لي
يعني انا كنت باسمع مشايخ السلفية ف شرايط الكاسيت زمان
وكنا بنعتبر تسجيل الخطبة علي شريط كاسيت انجاز حضاري ودعوي رائع
وشباب الدعوة ظهروا مؤخرا بعد انتشار الفضائيات ..
وبصراحة حاسس انهم بيكلموا فئة عمرية معينة ...
او شريحة معينة من المجتمع ..
---
يا ريت يا آية .. تفيديني برأيك .. ويا ريت تعرفيني مواعيد برامجهم
لاني عايز اسمعهم فعلا
ولكي جزيل الشكر

اقتباس :

منور كرسى الاعتراف


عندى سؤال بحب اساله دايمااا

انت
بتادى حق الله عليك ولا انت مقصر؟

حبي لربي منورة الموضوع .. يا اهلا وسهلا

طبعا مقصر .. ومقصر جدا كمان .. ربنا يهدينا ويقدرنا نوفي حقه

حتي نصل لقوله تعالي :
رضي الله عنهم ورضوا عنه

-----

اقتباس :

حسام

متى
تشعر بلذة السعاده؟

متى تشعر بلذة الالم؟

متى تشعر بمرارة
وتعب الالم؟

معاااااااااااااذ ... استاذي وصديقي وتوأمي

يا مرحبا .. يا مرحبا

اشعر بلذة السعادة .. لما اشوف المحبة في عيون الناس
واحساس النجاح .. بعمل تعبت فيه جدا

واشعر بلذة الالم .. لما يكون الالم .. مجهووود شاق في عمل احبه

او شايف انه عمل خير .. وعلشان ما ابقاش عامل زي الدراويش

ممكن يكون العمل ده رياضة .. المجهود بيبقي علي قلبي زي العسل

في الشغل .. ممكن اسهر طول الليل احسب وارسم واحصر كميات المشاريع

ولما باخلص .. باحس بالرضا والسعادة برغم الارهاق

باختصار ... كل ما اتعب في اداء المطلوب مني ببقي سعيد جدا حتي لو كنت مرهق او تعبان

اقتباس :

متى تشعر بمرارة
وتعب الالم؟

اكيييييييد لما يكون التعب من غير نتيجة .. او اشتغل في حاجة انا مش راضي عنها

نوووورتني يا معاذ .. وبالراحة عليا شوية في الاسئلة انا مش قدك
دووووووووم المرور يا صديقي

ياحبيبى هو انا هاسيبك

الله ينور عليك ياصحبى

ممكن اقول رأيي انا كمان فيهم
مصطفي حسني ما شاء الله عليه ممتاز بصراحة واحسن حاجة ان الشباب بيحبوه جدا في ناس كتير بطلت تسمع تامر حسني وبقت تتفرج علي مصطفي حسني وطبعا هناك فرق
( أين الثري من الثريا )
وهو ميزته ان كمان بالاضافة لاسلوبه الراقي واللين عنده كاريزما والكاريزما مطلوبة مع بنات اليويمن دول حتي في الدعاة ( دة لو حبينا نتكلم بصراحة ) مش مهم المهم الكلام الجميل يوصل للشباب
بالنسبة لمعز فانا شايفاه كويس برضه بس علي افرنجي شوية يعني تحس انه بيجاري ثقافة شباب الغرب يعني في حاجات بيعملها بستغربها زي مثلا الأغاني اللي بيألفها وبتبقي مصحوبة بموسيقي
وعلي الرغم من انهم الاتنين كويسين بس انا بفضل شيوخنا المعروفين حسان والمصري وغيرهم وان كنت افضل محمود المصري اكتر واحد كمان الشيخ علي جمعة رغم زلاته الا انه بيقنعني جدا وبحس ان عنده حكايات كدة حلوة يحكيها وبحب اسمع برضه للشعرواي جدا

قولى حسام عندك استعداد تسافر تانى خاصة بعد ماشوفت سلومه؟

اكتر حاجه بتعجبك فى المنتدى؟

اكتر حاجه مش بتحبها فى المنتدى؟

خطه لنطور بها اداء الاعضاء لنكون افضل؟

بتعرف تحاسب نفسك ؟ولو نعم ازاى؟
*********

شويه وراجعلك

حسام

عملت ايه فى الانترفيو

اشكرك جدا يا ازهرية .. جاري المتابعة وتحميل بعض الحلقات

وانا اعلم جيدا .. انك من النوع الذي يسمع ويفكر حتي يقتنع

ولهذا لا بأس عليكي .. استمري في طلب العلم .. وتابعي ايضا الباقين

فربما كان لديهم ما يفيدك

اللهم اجعلنا ممن يستمعون القول فيتبعون احسنه
-----
الاستاذة الدكتورة ايوتة
رأيك وكلامك كله علي العين والراس
وخصوصا موضوع الكاريزما ده .. شرط اساسي في مجال الاعلام عموما
والتأثير في الناس .. في المجال الدعوي والاصلاحي
----
بس علشان ماحدش يوقعنا في غلط .. العلم موضوع له ثقل

ولكلٍ اختصاصه ودوره

ومن كلمات مصطفي حسني :
الناس علي 3 انواع :
اهل الاجتهاد - العلماء - الدعاة او طلبة العلم
والمؤهلون للفتوي هم الفئة الاولي ( المجتهدين )
اما العلماء والدعاة .. فمن حقهم نقل اقوال العلماء او نقل الحكم الشرعي عن السلف
------
ورأي انا ان الاشكالية .. في مطالبة الداعية بالفتوي ..

او مزاحمة الدعاة الشباب للعلماء في علمهم .. ولهذا يحدث الخلاف والانتقاد

اعتقد ان دور الدعاة اصلاحي ومجتمعي .. وليس اكثر

مثل المدرس في المدرسة .. دوره تربوي

والمفكر في محراب التأمل ... دوره فكري وفلسفي

------
شكراااااااااااا جزيلااااااااا

اقتباس :

قولى حسام عندك استعداد تسافر تانى خاصة بعد ماشوفت سلومه؟

انت جيت ع الجرح بسؤالك ده

انا مش عايز ابعد عنها ولا ساعة واحدة .. وبرغم اني عارف ان لما اسافر

ممكن اعملهم استقدام اول ما استقر .. بس كمان فكرة اني عايزها تتربي في مصر

مسيطرة عليا .. وده عامل صراع نفساوي مأثر عليا

ومخليني باتلكك .. عين ف الجنة وعين ف النار

اقتباس :

اكتر حاجه بتعجبك فى المنتدى؟

الرووووووح الجميلة .. والتواصل الاخوي بين الاعضاء

والذوووووووووووق الجميييييييييل .. اللي مالي الاعضاء كلهم

اقتباس :

اكتر حاجه مش بتحبها فى المنتدى؟

اممممممممم .. حاليا مفيش مشكلة كبيرة ولا حاجة

بس لما بلاقي مواضيع كتييييير اوي في نفس الوقت .. بيتقل عليا الرد عليهم

اقتباس :

خطه لنطور بها اداء الاعضاء لنكون افضل؟

اممممممم ..السؤال ده شغلك الشاغل يا صديقي ..!!
ربنا يقدرنا جميعا
وممكن نخلي التفاهم فيه في قسم الاشراف .. علشان نتآمر علي الاعضاء
براحتنا .. و نتآمر علي المشرفين اون لاين علي الميل
عموما يا صاحبي .. الاداء بتطور بالفعل .. والكفاح مستمر
انا شايف - ماشاء الله - في نقلات كبيرة في المنتدي
الادارة والمشرفين شايفين شغلهم كويس جدا .. والاعضاء كمان ممتازين
ومتفاعلين معاهم كويس ..
وهناك المزيد ..

اقتباس :

بتعرف تحاسب نفسك ؟ولو نعم ازاى؟

لو عايز الصراحة .. انا باعرف اعذبها كويس .. كما لو كنت ماسوشيتي
( جلد الذات ولذة الشعور بالالم ) .. انا باحقق النصف الاول - جلد الذات -

انا عارف قصدك من السؤال .. امممممممم ممكن نقول :
كيف يمكن ترويض النفس والتعامل مع اخطائها .. ؟

في نظري اول حاجة .. فهم النفس البشرية :
تكوينها- رغباتها - نوازعها - احتياجاتها - نقائصها - ..

والقرآن فيه خير تقسيم لهذه النفس :
النفس اللوامة - النفس المطمئنة - النفس الهوائية -
ولا خير احسن مما قال ربنا :
ونفس وما سواها .. فألهمها فجورها وتقواها .. قد افلح من زكاها .. وقد خاب من دساها

-----

اقتباس :

شويه وراجعلك

كان نفسي استني لما اغش اجابتك انت علي نفس الاسئلة ..

لكن انا باحب انجز الاسئلة واطلع من اللجنة بدري بدري .. وده مش صح طبعا

لكن هيا دي طبيعة نفسي .. - خلق الانسان من عجل -

ربنا يقدرني واعالج العيب ده في نفسي

شكررررررا صديقي

اقتباس :

حسام

عملت
ايه فى الانترفيو

مفيش جديد والله يا صاحبي .. العرض مش مناسب ..
وخصوصا اني مسافر المرة دي باسرتي .. وما ينفعش اتنقل كتييير بين المحافظات
يعني لازم في الاتفاق هنا يبقي واضح معاهم
اني مش هاقبل التنطيط كل شهرين تلاتة في محافظة مختلفة ..

والمكتب الاستشاري ده .. شكله كان ناوي يفسحني في السعودية ..
وطبعا انا حريص علي الاستقرار في منطقة واحدة

روووووحت مكبر دمااااااااغي ..

اكيييييييييد يا صاحبي .. اول ما استقر علي حاجة هاقولكم ..

يسلموا احلي اصحاب علي الاهتمام والمتابعة

ربنا يوفقك تؤمى

********

اما بالنسبه لاجاباتك

فهى اكثر من رائعه

دمت لنا وام لنا ذوقك العالى وكياستك الغير عاديه

انا بقه ياعم هاجاوب بدون دبلوماسيه عشان عندى

مشاكل عايز حلول لها وعندى تحفظات

ومش عارف ممكن يكون فيه خطة تطوير

لكن خلينا زى ماانت قلت

اممممممم ..السؤال ده شغلك
الشاغل يا صديقي ..!!
ربنا يقدرنا جميعا
وممكن نخلي التفاهم فيه في
قسم الاشراف .. علشان نتآمر علي الاعضاء
براحتنا .. و نتآمر علي
المشرفين اون لاين علي الميل
عموما يا صاحبي .. الاداء بتطور بالفعل
.. والكفاح مستمر
انا شايف - ماشاء الله - في نقلات كبيرة في المنتدي
الادارة
والمشرفين شايفين شغلهم كويس جدا .. والاعضاء كمان ممتازين
ومتفاعلين
معاهم كويس ..
وهناك المزيد ..