المواطن مصري على كرسي الإعتراف

هاااااااا حسام هنا منور ياعم
يالله اتفصل الاسئله ده

متى بدأت في الدخول إلى عالم الأنترنت ..؟ و متى دخلت عالم المنتديات ؟
ماذا يعني لك الهدف ...... وكيف يتم تحقيقه
ما القول الذي يردده حسام بينه وبين نفسه دائما؟
ماهو الشيء الذي تحبه في حسام والشيء الذي لا تحبه فيه ؟؟
افضل كتاب لديك ؟
بيت شعر يردده حسام بينا لحين والأخر ؟
عندما تجلس وحيدا ، ما هو الشئ الذي يزور هاجسك لحظتها ؟؟
لي عوده

ههههههه

وانا اللي قولت مفيش غير بيبو هوه اللي هايقف معايا ...

هل تقبل أن يخالفك أحد في رأيك بصدر رحب؟؟؟

لولا اختلاف الرأي يا محترم..
لولا الزلطتين ما الوقود انضرم ..
ولولا حبلين ليف سوا مخاليف ..
كان حبل الود بينا .. كيف اتبرم
وعجبي

وهل تقتنع سريعا بكلامه إذا كان صحيحا ؟؟؟

انا ابقي غلس لو ما اقتنعتش بكلامه .. ما دام كلامه صح
بس هوه كل واحد بيبقي شايف ان وجهة نظره هيه الصح .. علشان كده الجدل بيطول
وسقراط قال : ليس مهما ان يكون كلامي مقبولا .. المهم ان يكون صحيحاً

تسلم حبيبي بيبو ... وخسارة اني مش لحقتك وانت ع الكرسي
يا رب اشوفك في بيت العدل

.............
عهووووود

سوال بايخ

طيب المدام عايزة تسميها ايه؟؟؟

هيه عايزة تسميها اي اسم غير آيه .. عِند والسلام
او يمكن بتشك فيا ......!

1- ايه اكتر حاجة بتحباها فى حياتك ؟؟

لو تقصدي بحبها عموما .. يبقي البحر .. باتهوس لما اشوفه
واقعد اكلمه زي المخابيل ...
اصلي كنت فاكر نفسي عريس البحر ...

ولو تقصدي حاجة موجودة في حياتي انا.. تبقي اسرتي
هيه اكتر حاجة بحبها في حياتي

صــــــــمت
هههههه ربنا يكرمك وتفرحوا بيها يارب
حلو ايه..وانا بحب فريده جدااا

بتقولي ايه ..؟ تفيدة .. !
هوه الاسماء اللي بنحبها بتبقي مرتبطة بناس عرفناهم وحبيناهم ..
وفريدة اسم حلو .. تسلمي

*********************

بصفة عامه انا مش باضعف قدام حد خالص.. (وتعالي شوفي مشاكلي مع مدير الشركة)
لكن باضعف جدا قدام الكلمة الحلوة ... والشعور الطيب من اي حد

وخصوصاً الاخوة الستااااااات ..

وكلمه (اسف) ف قاموسك ولا لا؟؟

انا ....
آســــــف .. علي كل يوم ضيعته ..
واســــف .. علي كل حاجة عملتها غلط ...
وآســـــف .. اني لاقيت نصيحة وما سمعتهاش
وآســــــف .. لما زمااااااان .. سمعت غنوة حب حلوة .. ومحضنتهاش
وآســـــــــــــف .. لو كنت قلت حاجة زعلت اي حد هنا

.........
قال ومسمية نفسك صمت قال ... امال لو سميتي نفسك .. كلمتين تلاته .. كنتي عملتي ايه ؟


...........

ياسميناااا
انا اول مره ادخل اي اعتراف لاي حد

معاكي حق اصلها حاجة تقطع القلب


بس حضرتك مش اي حد ومن اول ما
حضرتك اشتركت وانا معجبه باسلووبك
جدا وكمان لان حضرتك ع اسم اخويا
تثبيييييت... تثبيييييت
ضحكتي عليا كده ..

حضرتك ما شاء الله مطحون اسئله هسيبك
تجاوب وهتابع انا هتفرج عليكم وهشوف رد
فعلك وكمان اسلوبك وحواااااااااااااااارك

كل الناس بتتدخل في حياة كل الناس بطريقة تسعد كل الناس
بس ده في منتدي احلي اصحاب وبس

اهلااااااااااا بيكي يا ياسمينا

روووز

حلوة اية يا حسام

وفيه
كمان مريم وسارة وكمان في اسم جديد عاجبني
روعة

( روعة ) ..ده اسم حلو قوي ...!



بص هو حلو الاسم يكون جميل في حد ذاته والاحلى انه يكون لايق مع اسم الاب كمان وعامل موسيقى حلوة معاه

صح يا روز الاسم لازم يبقي حلو وماشي مع اسمي ...
هوه فيه اسماء جامدة قوي .. بس صعبة شوية في النطق والدلع .. وكمان الاطفال مش بتعرف تنطقه .. احنا عندنا( تسنيم) بنت عمي ... تعالي شوفي اطفال العيلة وهما بينادولها
هاتموتي من الضحك عليهم


ربنا يرزقك يارب

ربنا يكرمك ويبارك لك في اولادك وبناتك يا رب

لسه منور استاذ حسام
عدناااااااااا

ماذا يمثل لك الموت ؟
أعظم شيء فقدته ؟
شخص لاترفض له طلبا ؟
ماهي التجربه التي تتمنى تكرارها ؟
(اوع تقولى الجواز)

هههههههههه

عهوووود انا بقالي ساعتين بحاول ابعت رد لسلمي

والشبكة خانقاني ..

معلش يا عهوووود لازم اروح الشغل احسن انا اتأخرت وكده هاترفد ...

هارد عليكي لما ارجع

اوكي

حسام أخى مضطر وانتا عارف عمرى مابيعك ابداً

دانتا تؤمى ياراجل

قولى :

مبدأعام تحب ان تطبقه على حياتك

لسه منور استاذ حسام
عدناااااااااا

نوووووورك عهوووووود

ماذا يمثل لك الموت ؟

الموت .. رحلة من غير عودة
والتجربة الوحيدة اللي ما نرضي ندخلها بمزاجنا
وهوه اخر حاجة تخطر علي بال واحد فرحان ... او بيعمل معصية
الموت هوه الحرمان المؤلم من حد بنحبه قوي ..
جلال الموت ورهبة النهاية فوق الوصف ..
انا حضرت الغسل مرة واحدة ..لحد عزيز عليا .. وكل اللي اقدر اقوله
مَن لم يكفه المــــــوت عِبرة ... فالنار تكفيه



...........
أعظم شيء فقدته ؟

البــــــــــــــــراءة



شخص لاترفض له طلبا ؟

امـــــــــــي



ماهي التجربه التي تتمنى تكرارها ؟
(اوع تقولى الجواز)


هههههههههههههه
هيه تجربة الجواز حلوة وتستاهل التكرار طبعا...



لكـــــــــن التجربة اللي اتمني تكرارها ... التدريس
اشتغلت فترة ايام الجامعة مدرس خصوصي .. والمقابل كان الكيك والشاي + محبة الناس

............
معـــــــــاذ
حسام أخى مضطر وانتا عارف عمرى مابيعك ابداً
دانتا تؤمى ياراجل

توأمك مزنوووووووووق



قولى :

مبدأعام تحب ان تطبقه على حياتك

عليــــــكم انفســــكم .. لا يضركم مَن ضل اذا اهتديتم

اجابتك جمييله جداااااااااااااااااا

ونرجع تانى لموضوعناااا

ونقول الووووووو


لو اتولدت من جديد هتغير حياتك ولا هتعمل نفس اللي عملته في حياتك دي؟

إن كنت هتغير تقدر تقولي أهم الحاجات اللي عملتها وناوي تغيرها لو اتيحت الفرصة؟

اجمل هديه جاتلك ايه هى ؟ ومن مين؟

اجابتك جمييله جداااااااااااااااااا

ونرجع تانى لموضوعناااا

ونقول الووووووو

احم
الووو
منورة جدااااااا .. في نجوم اف ام



لو اتولدت من جديد هتغير حياتك ولا هتعمل نفس اللي عملته في حياتك دي؟

اكيد هاغير حاجات كتير


إن كنت هتغير تقدر تقولي أهم الحاجات اللي عملتها وناوي تغيرها لو اتيحت الفرصة؟

ناوي اسمع النصيحة اللي ما سمعتهاش .. واحضن غنوة الحب الحلوة اللي ما حضنتهاش
وناوي احافظ علي ايامي واحلامي قبل ما تضيع .. يعني هاكمل في الرياضة .. والقرايه .. واحتمال اغير الكلية



اجمل هديه جاتلك ايه هى ؟ ومن مين؟

دبله مكتوب عليها ........ اماني حبيبي

ما اقدرش اقول غير صعبان عليا


بس بالنسبة للإسم سيبك من آية ة موضة قديمة راح عليه
انا عن نفسي اضمنلك اسم ما حدش سماه قب كدة
ايلياء
معناه مدينة القدس
ودلعه بقي لولو ممكن
لكن قولي
كتاب زي دة

اقتباس :

قضايا المرأة الفقهية ( الشيخ محمد الغزالي )

ازاي لفت نظرك؟
كفاة ليك السؤال دة
وابقي ارجعلك

حسام


شىء تكره لكن مضطر له

من هو اقرب الصحابه الى نفسك

صفه سيئه كانت موجوده بك ونجحت فى تغييرها

أجمل ايام حياتك


ولى عوده ان شاء الله

حسام اسئلك لانى احبك فى الله كثيراً

والله اعلم لذا اتمنى معرفتك اكثر

ربنا معاك

ما اقدرش اقول غير صعبان عليا



لااااااا ... واضح


بس بالنسبة للإسم سيبك من آية ة موضة قديمة راح عليه
انا عن نفسي اضمنلك اسم ما حدش سماه قب كدة
ايلياء
معناه مدينة القدس
ودلعه بقي لولو ممكن


ايلياء حســــــام الدين

رووووووووعة ... كلك زووووووق

(ايلياء ... علي رأس القائمة )

تم التثبيت لفترة



لكن قولي
كتاب زي دة
ازاي لفت نظرك؟



كتاب الشيخ الغزالي من اروع ما قرأت .. وتحدث الكتاب عن كثير من القضايا المهمه

مثل القوامه .. وذهاب النساء للمساجد .. وصوت المرأة .. والنقاب .. وغيرها

ولا يعني اعجابي بالكتاب .. اقتناعي بكل بكل ما جاء فيه ..!

وانما ( ما لا يؤخذ كله لا يترك كله )



ولا انكر اني استفدت كثيرا من اسلوب الشيخ الغزالي في التفكير ..

وقد بحثت عن الكتاب اصلا لما سمعت ان الشيخ.. معتزلي .. فقررت ان اقرأ له قبل ان احكم عليه ..!

مع اهتمامي بقضايا المرأة ( طبيعة المرحلة وقتها ) ... ويعد الغزالي من اكبر المناصرين للمرأة ..

واحيانا اعتبره متحيزا لها .. ومن اجمل كلماته التي تعبر عن فكره

( اننا لا نريد ان نخرج بالمرأة من عصر الحريم .. لندخلها عصر الحرام )

مش عارف انا كده بعد الرغي ده كله.. جاوبت سؤالك ولا لسه



وفي انتظار العوده

حسام


شىء تكره لكن مضطر له



الغربة

من هو اقرب الصحابه الى نفسك


ابو بكر ... واحب الصحابة جميعا

صفه سيئه كانت موجوده بك ونجحت فى تغييرها


العناد الشديد والعصبية المزمنة ..خسرت بسببهما كثيراً



لكن الحمد لله مش باقي من العناد غير شوية اصرار مفيد ..



والعصبية اتحولت لهدوووووء شديد .. وطويل ..



ولكنه احيانا يسبق العاصفة ...فأحاول قدر استطاعتي الا اغضب ..

أجمل ايام حياتك



اجمل ايامي .. فترة كده كنت ضايع فيها ... وارادني ربي فهداني ...



فلبيت ... وهيا الفترة اللي ختمت فيها المصحف لاول مرة

ولى عوده ان شاء الله

حسام اسئلك لانى احبك فى الله كثيراً

والله اعلم لذا اتمنى معرفتك اكثر

ربنا معاك



ربنا يخليك معاذ ... ولا تخشي شيئا .. فأنا بخير في صحبتكم

علي فكرة انا شايفة ان ما فيش داعي ابدا نواسيك
الكرسي دة حاجة لذيذة قوي
انا نفسي
نفسي اقعد عليه
بس المشكلة ان الدراسة شغلاني
قدام شوية هتلاقوني قعدت لوحدي

كده ماشي ده اسم بنوتتى ان شاء الله


ربنا يقومك بالسلامه ..... والاسم روووعة طبعا



بس افهم من كده انو مشروع قريب ... ولا باعتبار ما سيكون .. ؟



امممممم..طب ياريت متخليش المدام تشترك ف المنتدى ده...وده حرصا ع سلامتك

ههههههه شكرا للنصيحة..



سؤالى..ماهى معايير حكمك ع الشخص اللى بتعرفه لاول مرة؟؟



هوه احنا تقريبا متفقين في المعايير العامه من حيث الاخلاق والنشأة وغيره ..

لكن بيني وبينك.. هوه انا اهم حاجة عندي انو يكون بني آدم ...!

يعني ما يبقاش اسود من جوه ...

لانو لما يكون عنده شوية احساس وانسانية ... يبقي الخير جواه .. مهما كانت سلبياته وعيوبه .

يعني يوم ما اقوله اتقي الله ( يتأثر بيها )

علشان كده تلاقي عندي اصحاب ظباط ومهندسين ودكاتره ...

وعمال وصنايعية وتجار .....!

وتلاقي عندي اصحاب منحرفين نسبيا ... واصحاب متدينين جدا ..

وهنا في السعودية ليا اصحاب كفار ( من الهند )

ومسميني ( م حسام الهندي ) .. ( لانهم بيكرهوا المصريين جدا )

عموما انا بحب الناس كلهم ... ما دام فيهم خير ...

وده مش معناه اني رومانسي لدرجة الهبل ... !

اطلااااااقاً ...

فيه ناس معينين كده بابقي عاوز ارش عليهم طارد نامووس .. او اقولهم البالالا لم ( يمكن يختفوا من قدامي وخصوصا ( الوقح ... الاناني .. المنافق .. المغرور )



رغااااااي قوي انا صح ؟.

هههههههههه اتفضلي يا ايوت

انا حاسس انك عينك عليه من بدري

وحاسس كمان اني راكب جمل وانتو راكبين طيارات .. اللهم لا حسد



مش لاحق ارد عليكو ... استحملوني بقي

ما رائك بالمدخنين ؟
وكلمه وتجوجهاااااااا لهم (نصيحه يعنى)؟
بس دول الا جيهم ف دماغى
هرجعك تانى ا*حسام
متخفش

بسم الله الرحمن الرحيم .. يا عهود ..؟

هوه انتي بتروحي تجيبي الاسئلة دي منين ...؟

شوفي مرة سألت الشيخ بركات صاحبي ( خريج شريعة واصول دين وبيحضر ماجستير وامام مسجد )

قال : انه له صاحب ازهري بيقول : المدخنون لا يدخلهم خير ولا يخرج منهم خير...!

فقلت له : انا هاقبل كلامك علي اساس ان الدخان اللي بيدخل صدور المدخنين مش خير

ولا الدخان اللي بيخرج من صدورهم فيه خير ...

لكن اننا نحكم علي مدخن (عاصي) انو كـــ (من قفل علي قلبه) فلا يدخله الخير علي الاطلاق

ولا يخرج منه خير ابدا ... ده ظلم واعانه للشيطان عليه ...!

وتضييق لرحمة ربنا ...

وقصة الصحابة مع الصحابي اللي اقيم عليه حد الخمر معروفة ... ورد النبي عليهم معروف ..

لكن لعلم الجميع ... اكتر حد متضايق من التدخين هما المدخنين نفسهم ...!

كنت مع واحد من السلفيين ( يعتبر امير جماعة بلدنا ) وقابلنا مدخن من صحابنا ..

تخيلي قاله ايه ؟

انت مش ناوي تبطل البزازة دي بقي ....!

كأن المدخن زي الرضيع اللي بيتشعبط في البزازة ...

اكتي هايكبر بقي ... ويتفطم عن السيجارة ...

نسأل الله الهدي للجميع والتوبة للجميع

هوه انتي بتروحي تجيبي الاسئلة دي منين ...؟

هههههههههههههههههههههه
بجبهم من بتنااااااااااااا
اجبلك شويه

نسأل الله الهدي للجميع والتوبة للجميع
امـــــــــــــــــيـــــــــــــــــــن
يــــــــــــا ربــــ

==============
معلش اصلى مدمنه كراسى اعتراف

ونرجع تانى لموضوعناااااااا
نقول


مين اعز صديق ليك هنا في مصر وهناك في السعوديه؟؟

لما تكون متضايق بتحبب تفضفض مع مين؟؟

بمناسبه موضوع حمله المعاكسات والذى منه

اتعكست كام مره ف حياتك ؟

اااااه انتي بتجربي فيا الاول ...؟

هوه انتي كل ما هاتخدي درس عربي اسميلك واحد من العيال باسمه ...؟