| مختارات .. صلاح جاهين | |
|
+6ملاااك ..بنوتة وبس.. a white rose نسمه شموخ طالبة عفو الرحمن مواطن مصري 10 مشترك |
|
كاتب الموضوع | رسالة |
---|
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: مختارات .. صلاح جاهين الأربعاء أكتوبر 20, 2010 3:05 am | |
| السلام عليكم احلى اصحاب كلنا طبعا عارفين الشاعر العامّى الشعبى العبقرى صلاح جاهين الشاعر ده غنى للحب والشباب وحتى الاطفال .. وعاش مرحلة الثورة وغنى لها له قصائد وطنية الهبت مشاعر الجماهير .. (صورة - يا أهلا بالمعارك - بستان الاشتراكية)
لكنه اصيب بحالة من الاكتئاب بعد النكسة .. لازمته لحد وفاته وتوقف عن تأليف القصائد الوطنية واتجه للشعر التأملى العميق كما ف الرباعيات والقصائد الغنائية الخفيفة ( يا واد يا تقيل - خلى بالك من زوزو ) وغيرها - تلحين الموسيقار كمال الطويل اللى لحن له نفس القصائد الوطنية قبل كده
سمعت عنه موقف غريب جدا .. فى اواخر ايامه كان مريض جدا .. الطبيب خرج من عنده وملامحه بتقول تشخيص الحالة .. واكتفى بجملة واحدة قال لهم : شوفوا هوا بيحب ايه ..؟؟ واعملوه ....!!!
دخلوا اولاده عليه وسألوه : نفسك فى ايه ؟؟ قال جاهين : نفسى اسمع الليلة الكبيرة ......!!! ( اوبريت ألفها صلاح جاهين ولحنها الموسيقار سيد مكاوى )
جابوا له كاسيت .. وشغلوا له الليلة الكبيره .. وسابوه بعد فترة .. دخلوا عليه .. لاقوه حاضن الكاسيت .. ومسلم الروح
-----------------
جاهين .. كان شاعر ورسام كاريكاتير وسيناريست تعالوا نشوف اجمل ما كتب وابدع صلاح جاهين
انشد يا قلبى غنوتك للجمال وارقص ف صدرى م اليمين للشمال ماهوش بعيد تفضل لبكرة سعيد ده كل يوم فيه الف الف احتمال عجبي !!
حاسب من الاحزان وحاسب لها حاسب على رقابيك من حبلها راح تنتهى ولابد راح تنتهى مش انتهت احزان من قبلها عجبي !!
يأسك وصبرك بين ايديك وانت حر تيأس ما تيأس الحياة راح تمر انا دقت مندا ومندا عجبى لقيت الصبر مر وبرضك اليأس مر عجبي !!
دخل الربيع يضحك لقاني حزين نده الربيع على إسمي لم قلت مين حط الربيع أزهاره جنبي وراح وإيش تعمل الأزهار للميتين عجبي !!
ليه يا حبيبتي ما بيننا دايماً سفر ده البعد ذنب كبير لا يُغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!
عيني رأت عصفور ووياه ابنه بيحدفه في الريح وياخده ف حضنه نوبتين وتالت نوبه - عجبي عليهم - كانوا سوا بيرفرفوا ويغنوا عجبي !
عينى رأت مولود على كتف امه يصرخ تهنن فيه .. يصرخ تضمه يصرخ .. تقول له يا ابنى ما تنطق كلام دا اللى ما يتكلمش .. يا كتر همه عجبي !!
أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!
يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!
سهير ليالي و ياما لفيت و طفت و ف ليله راجع في الضلام قمت شفت الخوف ... كأنه كلب سد الطريق كنت عاوز أقتله .. بس خفت عجبي !!
عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي !!
علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قتلت ؟ ..... والا اتقتلت عجبي !!
انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!
ياما صادفت صحاب و ما صاحبتهمش و كاسات خمور و شراب و ما شربتهمش أندم علي الفرص اللي انا سبتهم و الا علي الفرص اللي ما سبتهمش عجبي !!
اتمنى يعجبكم الموضوع .. وباعتذر عن نقصه .. واملى ان احلى اصحاب يكملوه باضافاتهم الرائعة دوما
عدل سابقا من قبل المواطن مصري في الأربعاء أكتوبر 20, 2010 12:20 pm عدل 2 مرات | |
|
| |
طالبة عفو الرحمن زهرة ندية من فلسطين الحبيبة
عدد المساهمات : 5925 العمر : 31 الاوسمة: : النشاط : 7566 التقييم : 850
| موضوع: رد: مختارات .. صلاح جاهين الأربعاء أكتوبر 20, 2010 9:35 am | |
| انتامبدع بكل معاني الكلمات والعبارات بارك الله فيك في انتظار ابداعك المميز | |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: مختارات .. صلاح جاهين الأربعاء أكتوبر 20, 2010 12:15 pm | |
| اول كلامى حاصلى .. ع النبى الهادى الامين واحكى ع اللى حصلى .. وازاى عرفت صلاح جاهين
كنت باحب جدا الفقرة الصباحية ف الازاعة المصرية وكل يوم فى رباعية جميلة لجاهين دايما تتكرر :
غمض عنيك وارقص بخفة ودلع الدنيا هيا الشابة .. وانت الجدع تشوف رشاقة خطوتك .. تعبدك لكن انت لو بصيت لرجليك .. تقع عجبى ..!!
قد ايه الرباعية دى كانت بترفعنى فوق الدنيا .. وبتخلصنى من قيود الماضى ..
كلام بسيط جدا .. لكنه خلاصة تجربة وفكر دورت عليها .. واتعرفت على جاهين ..
ولسه بادور على كل اعماله ..!!
اختى سوسو حياكى الله على المشاركة الطيبة والكلمات الرقيقة .. المبدع الحقيقى .. هو صلاح جاهين وما انا الا مفتون به
والمبدع الحقيقى .. الذى اعطى من وقته .. ليرى ويطالع حديث غيره باهتمام مثلك .. لكى كل التقييم اختى الكريمة ------------- والدعوة عامة يا جماعة .. اللى بيحب جاهين يحييه برباعية من كلامه .. والخير كتير -------------
| |
|
| |
نسمه شموخ أغلى سلمى
عدد المساهمات : 10862 العمر : 33 الاوسمة: : النشاط : 11756 التقييم : 2197
| موضوع: رد: مختارات .. صلاح جاهين الأربعاء أكتوبر 20, 2010 6:56 pm | |
| | |
|
| |
نسمه شموخ أغلى سلمى
عدد المساهمات : 10862 العمر : 33 الاوسمة: : النشاط : 11756 التقييم : 2197
| موضوع: رد: مختارات .. صلاح جاهين الأربعاء أكتوبر 20, 2010 7:42 pm | |
| | |
|
| |
نسمه شموخ أغلى سلمى
عدد المساهمات : 10862 العمر : 33 الاوسمة: : النشاط : 11756 التقييم : 2197
| موضوع: رد: مختارات .. صلاح جاهين الأربعاء أكتوبر 20, 2010 7:45 pm | |
| في ناس كتير بتختلف في وزن الرباعيات هل هي بكسر قافية البيت الثالث على طريقة صلاح جاهين أم هناك رأي آخر .. هنا حبيت أضع بعض الملاحظات عن الوزن لشعراء الرباعيات فيما عدا جاهين ونشوف ايه هو نظام القافية في رباعيتهم.
****************** هنبتدي بشاعر قديم شويه وهو عمر الخيام عشان نشوف نظام الرباعيات في بدايتها رباعيات الخيام بتلتزم طريقة جاهين أو بالمعنى الأدق جاهين هو اللي بيلتزم طريقه الخيام وهي كسر قافية البيت الثالث
شيئان في الدُنيا هما أفضلُ في كلّ ما تنوي وما تعملُ لا تتّخذ كلَّ الورى صاحباً ولا تنل مِن ما يؤكلُ
****** لكن في بعض الرباعيات القليلة جدا يخالف هذا المبدأ وتأتي كل الابيات على قافية واحدة
يا ساقي الخمَر أفق هاتها ثمَّ اسقني سائلَ ياقوتها فإنَّها تبعثُ مِن روحها نفسي وتحيي ميّتَ لذّاتها
*********** أحمد الهمامي يتبع نفس أسلوب جاهين والخيام في الغالب
عجوز بيدعك في فانوس قديم طلعله جني وقال شبيك لبيك تطلب ايه مني عبدك ومستني أمرك نفسك ف ايه رد العجوز قاله هات الدوا أو حل عني
************* وله رباعيات تلتزم القافية الواحده لكل الابيات
الله عليك يا بن الزمان ده عايش لنفسك وبطريقتك بالمعانده ولا بتكسب ولا بتخسر وخطوتك عنده انا دعيتلك ربنا وقلتله اسنده سانده
******************** بيرم التونسي بيختلف اختلاف كبير ففي بعض رباعياته بتتفق قافية البيت الاول مع التالت .. والبيت الثاني مع الرابع
يا طالب العلم تنداس لو يبقى علمك بضاعه تنفع وتستنفع الناس لو كنت صاحب صناعه
**************** وفي البعض الاخر بتتفق قافية كل الابيات
قريت ومليت كفايه خوف السقوط والبطاله وكل ما ازداد قرايه بالـدنيـا أزداد جهـاله
****************** الخلاصة ان وزن الرباعيات اختلف عليه حتى كبار الشعراء وكل واحد فيهم له طريقته الخاصة لكن الاسلوب الشائع هو أسلوب جاهين .. وفي مرة قادمة هحاول أوضح ليه بدأت الرباعيات مع الخيام بصورة كسر قافية البيت الثالث، ثم انتهت بتنوع صور القافية فيها
. اسفه على الاطاله
| |
|
| |
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: مختارات .. صلاح جاهين الأربعاء أكتوبر 20, 2010 8:08 pm | |
| | |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: مختارات .. صلاح جاهين الأربعاء أكتوبر 20, 2010 8:23 pm | |
| الله عليكى يا سلمى .. انتى بجد مكسب لاى منتدى .. ومش بس المنتديات كمان على المستوى الشخصى .. انتى انسانة هايلة ------------ نشوف بقى المشاركة الخطيرة بتاعتك اول اضافاتك = موضوعى كله ..!! - اقتباس :
- موجود على الأرض دمع كتير وله أسباب
فى عيون مرات الشريد اللي شبكها وغاب وف قلبها اللي الشباب عجز فى قلبه وشاب وف صحنها اللى صبح بعد الحكاية خراب ودمع بنت الطريق صادق مهوش كداب يبكي طريقها الطويلة وقلة الأحباب يبكي خطاها الذليلة بين كلاب ودياب يكتب على الأرض للعالم أَمَرّ حساب والارض تشهد على دموع طفل نام ع الباب ودمعة الطفل م الحرمان بتملا كتاب كلام عن العدل بين الأبرياء وعتاب يادى الدموع اللى مالية الدنيا ومغرقة الارض لميتها ازاى و عملتها قصيدة يا جاهين ...!!!؟؟؟ الله يرحمك ويرحم ايامك وكلامك
هوه ده اللى بادور عليه يا سلمى . تحفة من ابداع العبقرى جاهين .. وآدى اول تقييم
عدل سابقا من قبل المواطن مصري في الأربعاء أكتوبر 20, 2010 9:08 pm عدل 1 مرات | |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: مختارات .. صلاح جاهين الأربعاء أكتوبر 20, 2010 8:30 pm | |
| - اقتباس :
- هي فن فارسي أصيل .. يعني بباساطة كده العرب أخدوا الرباعية عن الفرس وفي المقابل .. الفرس أخدوا الشعر العمودي عن العرب .
اممممممم .. يعنى خالصين ... يا سلمى
تانى مشاركة = معلومات جديدة بصراحة
شكرا يا دكتورة - اقتباس :
ولدي نصحتك لما صوتي اتنبح ما تخفش من جني ولا من شبح وان هب فيك عفريت قتيل اساله ما دفعش ليه عن نفسه يوم ما اندبح
من يوم ما سمعتها وانا بطلت اخاف من اى حد ومن اى حاجة المنطق فيها قهر الخوف تماما .. وغلب اقوى عفاريت الجن ( عفريت القتيل ) اللى جاى يتشطر عليا انا ..!!
وآدى تانى تقييم يا مشرفتنا المميزة
| |
|
| |
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| |
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: مختارات .. صلاح جاهين الأربعاء أكتوبر 20, 2010 8:41 pm | |
| المشاركة التالتة بقى هاسيب الناس تستمع بحوارك الهادى الراقى المفيد وكم المعلومات اللى افادتنى جدا
ما بين بيرم وابن الرومى والخيام وعمنا جاهين - اقتباس :
- . اسفه على الاطاله
يا سلمى انتى عملتى مشاركة اجمل من الموضوع نفسه وافيد واقيم وانا بقى اللى باطلب منك تسمحى لى اشارك معاكى فى الموضوع ده بس يا رب الاقى معلومات ومقاطع فى جمال اختياراتك
وآدى تالت تقييم .. مع الف شكر وتحية
دمتِ دائما معنا يا سلمى .. ولا حرمنا من حضورك ومشاركتك الفعالة ابدا | |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: مختارات .. صلاح جاهين الأربعاء أكتوبر 20, 2010 9:01 pm | |
| - اقتباس :
لولا اختلاف الرأي يا محـــــترم لولا الزلطتين ما لوقود انضرم و لولا فرعين ليف سوا مخاليف كان بيننا حبل الود كيف اتبرم ؟ عجبي !!!! صلاح جاهين امه دعياله .. ف ساعة فجرية ..!! مديرتنا بنفسها بتشارك ف موضوعه .. !! يا اهلا وسهلا ..
لو قلت لك انى حبيت الاختلاف بعد الرباعية دى .-من جمالها - هاتقولى بيبالغ ..
انا هاسيب جاهين يشكرك بنفسه : - اقتباس :
طااااار في الهوا .. شاشي .. و إنت متدراشي ..!! يا جدع طارفه شاورلي شاورلي عليييييك حكم الهوى ماشي... يا جدع
هوا العصاري على سطح جاري خدني و رماني عليك و لا إنت داري أهين يا ناري منك يا جاري خدني ورماني رماني عليك .. هواااا العصاري
- اقتباس :
يوم قلت أه سمعونى قالوا فسد ده كان جدع قلبه حديد واتحسد رديت على اللايمين أنا وقلت..أه لو تعرفوا معنى زْئير الأسد عجبى!!
-بدووووون نفاق ولا مجاملة - الحقيقة انى كنت مدكن الرباعية دى اشارك بيها ف الردود .. !! لكن هاعمل ايه ...؟؟ حتى صورة صلاح جاهين .. مش عرفت انزلها ...!! لو ما كنتوش احلى اصحاب .. كان ازاى يبقى موضوع اشكركم على تحقيق املى .. والموضوع بيكمل اهوه
فاضل حد كمان عشان الموضوع محتاج له
زر الشكر مش كفاية يا روز
| |
|
| |
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: مختارات .. صلاح جاهين الخميس أكتوبر 21, 2010 6:17 pm | |
| ربنا يخليك حساام
انت عارف حسام بالنسبة لموضوع الشعر بالنسبة لي قليل ما بيجذب نظري شيء ليه هقولك يمكن لما بيعجبني قصيدة أو أبيات أو ---- وببتدي أنسجم معاها ساعات كتيرة ألاقي مشكلة إستوقفتني
مثلا كلمة حاسة انها ممكن تكون حرام أو ألاقي مثلا الشاعر بيتغزل في الخمر أو بيلعن في قصيدته او شيء فبخاف اني أكتبها أو أثني على القصيدة خوفا من ان يكون هناك بعض الأخطاء
هنا بقى لما انت كتبت لصلاح جاهين من رباعياته
وطبعا لان الموضوع لحسام فأكيد تحمست إني أشارك ليس حبا في صلاح جاهين في الحقيقة لاني بصراحة لم أكن أعرف عنه شيء ولكن تقديرا لصاحب الموضوع
المهم بصراحة لما قريت عجبني كثيرا مما قرأت
عجبتني هذه الرباعية جداااااااااا
عيني رأت عصفور ووياه ابنه بيحدفه في الريح وياخده ف حضنه نوبتين وتالت نوبه - عجبي عليهم - كانوا سوا بيرفرفوا ويغنوا عجبي !
وكمان دي جداااااااااا
حاسب من الاحزان وحاسب لها حاسب على رقابيك من حبلها راح تنتهى ولابد راح تنتهى مش انتهت احزان من قبلها عجبي !!
يأسك وصبرك بين ايديك وانت حر تيأس ما تيأس الحياة راح تمر انا دقت مندا ومندا عجبى لقيت الصبر مر وبرضك اليأس مر عجبي !!
فعلا عنده حق جداااااااااااااااااااااااا
ده مر وده مر فنصبر أحسن لعلنا بذلك نرضي الله
ودي كمان انا كنت شوفتها أعتقد يا إنت يا رحال كنت كاتبها
وكانت فعلا عجبتني بدون ما اعرف اسم الشاعر
انشد يا قلبى غنوتك للجمال وارقص ف صدرى م اليمين للشمال ماهوش بعيد تفضل لبكرة سعيد ده كل يوم فيه الف الف احتمال عجبي !!
و أكيد الموضوع مثبت
| |
|
| |
..بنوتة وبس.. إبداع متواصل
عدد المساهمات : 1048 العمر : 40 الاوسمة: : النشاط : 1723 التقييم : 580
| موضوع: رد: مختارات .. صلاح جاهين الخميس أكتوبر 21, 2010 7:31 pm | |
| مش عارفة اقول ايه على الاختيار الرائع
زي ما عودتنا يا باشمهندس حسام
بعد لقائي معك في الاختيار السابق للفنان بيرم التونسي
تفاجئني باختيار أروع للفنان "الشفاف" صلاح جاهين - رحمه الله
الفنان دا بجد حيرني جداااا
مش عارفة ازاي كان بيطوع الكلمات عشان توصف مشاعر أمة بحالها ويلخصها في أربع سطور
دا غير انه بيخاطب كل الأجيال وبسهولة تااامة (مش عارفة ازاي برضه)
يعني الليلة الكبيرة.. واوبريت اللعبة بتاع نيللي (اللي فوجئت انه من تأليفه) - الأفلام الشبابية - والقصائد الل بترسم هموم البلد.. كل دا في وقت واحد وبيصدر من عقلية واحدة.. وانسان واحد؟؟!
لا أملك غير قول : سبحان الله!انا هسيب أعماله هي اللي تتكلم وهاشارك بقصيدة على اسم مصر
اللي اول مرة اقراها كاملة !
على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر مصر النسيم في الليالي وبياعين الفل ومرايه بهتانة ع القهوة .. أزورها .. واطل القى النديم طل من مطرح منا طليت والقاها برواز معلق عندنا في البيت فيه القمر مصطفى كامل حبيب الكل المصري باشا بشواربه اللي ما عرفوا الذل ومصر فوق في الفراندة واسمها جولييت ولما جيت بعد روميو بربع قرن بكيت ومسحت دموعي في كمي ومن ساعتها وعيت على اسم مصر مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال على اسم مصر شفت الجبرتي بحرافيش الحسين وبولاق ابن البلد ماشي زي النمس في الأسواق بالفلاحين ع المداخل من بعيد وقريب بالأرنؤوط بالشراكسة بكل صنف عجيب مترصصين سور رهيب مزراق في ريح مزراق كأنهم لا بشـر ولا خلقـة الخـلاق ومصر فلاحة تزرق بين رقيب ورقيب من غير أبو الهول ما ينهض ناهضة شايله حليب والصبح بدري الجبرتي ينام وقلمه يسيب على اسم مصر والمس حجارة الطوابي وادق بكعابي يرجع لي صوت الصدى يفكرني بعذابي يا ميت ندامة على أمة بلا جماهير ثورتها يعملها جيشها ومالها غيره نصير والشعب يرقص كأنه عجوز متصابي إنهض من القبر احكي القصة يا عرابي يطل لي رافع الطهطاوي م التصاوير شاحب ومجروح في قلبه وجرح قلبه خطير وعيونه مغرورقين بيصبوا دمع غزير على اسم مصر مالك سلامتك بتبكي ليه يا طهطاوي قال لك عرابي .. انكسر بسلاح أوروباوي وسلاح أوروبا ماهواش المدافع بس ده فكر ناقد مميز للثمين والغث قلناها ميت ألف مرة ألف مرة بصوت جهيرداوي بس الحماقة لاليها طبيب ولا مداوي ولا حد م الخلق بالخطر اللي داخل حس الغفلانين اللي خلوا العقل صابه مس قالوا الخطر هو فكر أوروبا لو يندس على اسم مصر أحسنت في القول صحيح يا ولد يا متنبي جبت اللي جوه الفؤاد عن مصر متعبى وحكمت بالعدل لكن بعضنا انظلموا " يا أمة ضحكت من جهلها الأمم " العلم كان عندنا من صغره متربي لكنه هاجر وعدى البحر متخبي لما الإيران هجموا ثم اليونان هجموا ثم الرومان دمروا ثم التتار هدموا ثم الجميع كل واحد جه مسح قدمه على اسم مصر والديك الصفيح م البيضه بيصيح ويقول بالصريح الفكر فوق في الشمال يا الله الحقوه يا ولاد لحقوه ولاد من ولاد الأغنيا الأسياد وهم راجعين رموه في الباخرة في البحر ونزلوا حكموا في ظل الانجليز والقصر ومصر في الشمس بتغربل كلام منعاد عن ابن بنت ابن حنت وطارق ابن زياد والانجليز راضية بالخطباء وخطب الفخر خطيب يهز الرؤوس وخطيب يهز الخصر وخطيب يموت موتة الأبطال قتيل القهر على اسم مصر هل مصر موميا جميلة صورتها فوق النعش يعشقها مجنون ينادي عليها ولا تطلعش هل مصر نار صفصفت والنفخ فيها محال والأرض نشعت على رمادها استحال أوصال سألت أنا الرافعي كان عجٌز ولا بيسمعش لكن عينيه كانوا يحكولي قصص ما اشبعش يقولولي ماتخافش مصر بخير وعال العال مصر الجبرتي ومصر الرافعي حال غير الحال انظر محمد فريد أعظم وأرقى مثال على اسم مصر أنا الذي مشيت ادوٌر باشتياق وحنين على مصر .. والمشي خدني من سنين لسنين لحد ماسنيـنهـا وسنـيني بقم واحد وعاصرتها يوم بيوم لم فاتني يوم واحد وحضرت شاهد عيان مولد وموت ملايين مازعلت من كلمة قد البركة في الجايين مين هم دول يا جدع .. ما توحد الواحد البركة فينا وفي السامعين بالواحد أنا قلتها بنرفزة .. من غيرة الواحد على اسم مصر مصر الرمال العتيقة وصهدها الجبار والنيل كخرطوم حريقه وحيد في وسط النار في إيدين بشر نمل رايحه وجاية ع الضفة فيهم مطافي وفيهم كدابين زفة وفيهم اللي تعالى وقال أنا حكمدار وكل باب م البيبان مقفول على اسرار وكل سر بحريقة عايزة تتطفا من أهلي تندهلي وتقوللي تعا اتدفا أنا اللي عمري انكتب إلى يوم ما اتوفى على اسم مصر القاهرة في اكتئاب والأنس عنها غاب من عتمة تدخل لعتمة كأنها ف سرداب أو قرية مرمي عليا ضل هجانة الحظر م المغربية بأمر مولانا ومصر في الليل بتولد والبوليس ع الباب صبية ولاٌدة يابا ولحمها جلاب طلع الصباح زغرطت في السكة فرحانه على كتفها مولودتها لسه عريانه وف لحظة كانت جميع الدنيا دريانة على اسم مصر
ماشوفتش احلى من كدة كتاب تاريخ
لمصر
| |
|
| |
..بنوتة وبس.. إبداع متواصل
عدد المساهمات : 1048 العمر : 40 الاوسمة: : النشاط : 1723 التقييم : 580
| |
| |
طالبة عفو الرحمن زهرة ندية من فلسطين الحبيبة
عدد المساهمات : 5925 العمر : 31 الاوسمة: : النشاط : 7566 التقييم : 850
| موضوع: رد: مختارات .. صلاح جاهين الخميس أكتوبر 21, 2010 10:11 pm | |
| انتو كلكو مبدعييييييييييييييييييييييييييييييين لاحرمني الله منكم جميعا بارك الله فيكم وجزاكم الله كل خير | |
|
| |
ملاااك صديق لامع
عدد المساهمات : 7104 العمر : 33 الاوسمة: : النشاط : 9108 التقييم : 838
| موضوع: رد: مختارات .. صلاح جاهين الجمعة أكتوبر 22, 2010 12:25 am | |
| جزاكم الله خيرا تحياتي لكم | |
|
| |
Islam Nasr صاحب القلم الذهبي
عدد المساهمات : 7790 العمر : 36 الاوسمة: : النشاط : 7749 التقييم : 999
| موضوع: رد: مختارات .. صلاح جاهين الجمعة أكتوبر 22, 2010 1:10 am | |
| جاهين ما أجملك يا فنان أمتعتنا بالكثير والكثير ــــــــــــــ
اتكلموا اتكلموا.. اتكلموا .. اتكلموا ... محلا الكلام ، ما ألزمه و ما أًعظمه ... فىالبدء كانت كلمة الرب الاله ، خلقت حياه ، و الخلق منها اتعلموا ... فاتكلموا فىالبدء كانت كلمة الرب الاله روح بجناحين شطار ، و صار للكون مداه . آخرمطافها ، جت و حطت ع الشفاه ، لما البشر ملكوا الوجود ، و استحكموا ... فاتكلموا الكلمةايد ، الكلمة رجل ، الكلمة باب ، الكلمة نجمه كهربيه فى الضباب الكلمةكوبرى صلب فوق بحر العباب ، الجن يا أًحباب من ما يقدر يهدمه ... فاتكلموا الرملمرمى تحت قبة السما ، مشتاق لقطره من المطر فيها النما ، ملايين سنين عمرهما داقها ، انما فيه كلمة تقدر فى المراوى تِعَوَّمه .. فاتكلموا فيهكلمة تقدر تزرع البور حور ضليل ، و كلمة تقدر تجعل الكوخ بيت جميل ، و ابوالعيال و الجلابية الهلاهيل ، فيه كلمه تعطيه مال ، و كلمة تِهندمه .. فاتكلموا لكمالسلام ، يا ملفوفين حول اللهب ، يا غواصين فى القلب ع الكلنه العجب ، فىالبدء كانت كلمة الرحمن سبب و ما عادش غير الحق كلمة تِتَمَّه فاتكلموا
| |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: مختارات .. صلاح جاهين الجمعة أكتوبر 22, 2010 6:48 pm | |
| انا عارف يا روز قد ايه حرصك على تحرى الدقة والبعد عن الشبهات وانا كمان بحاول .. وعلى فكرة ..انا استبعدت مقاطع كتير من رباعيات جاهين لنفس السبب .. ونزلت الباقى لان ما لايؤخذ كله لا يترك جله ----------- لسه بكرر .. ان ظهورك ف أي موضوع شهادة ووسام ف حد ذاته يا رب دايما حاضرة ومشاركة ف موضوعاتى -------- المقاطع اللى اخترتيها من اجمل رباعيات جاهين وانا مش ببالغ لما اقول : انى واخدها مبادئ ليا اشكرك على كل شيء يا روز على المشاركة والتقييم والمتابعة
يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة عجبى ..!!
| |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: مختارات .. صلاح جاهين الجمعة أكتوبر 22, 2010 6:58 pm | |
| بنــــــــــــــوتة وبس .. لو قلت لك ان رجوعك بالسلامة .. شجعنى اخوض التجربة التانية واعمل ملف شامل للعبقرى جاهين زى ما نجحنا مع تجربة بيرم التونسى وجودك ومشاركتك .. لا غنى عنهم ابدا اختى الفاضلة - اقتباس :
مش عارفة ازاي كان بيطوع الكلمات عشان توصف مشاعر أمة بحالها ويلخصها في أربع سطور دى اسمها العبقرية يا اسماء - اقتباس :
- دا غير انه بيخاطب كل الأجيال وبسهولة تااامة (مش عارفة ازاي برضه)
الغريبة فجاهين بالذات .. انك تلاقى رباعياته على لسان استاذ ف الفلسفة وعلى لسان عامل زراعى او حرفى والكل مبهور بكلامه و حكمته
شاعر الشعب بكل فئاته وطوائفه ودرجاته صلاح جاهين .. لك منى التحية ------- ومشاركة قوية كالعادة يا اسماء ..
على اسم مصر
من اجمل اعمال جاهين الوطنية والحماسية لكى منى كل التقييم ..
وعلشان احنا لسه شركاء يا اسماء يبقى هارد عليكى بنفس الحماس والقوة
الدرس انتهى .. لموا الكراريس لصلاح جاهين الدرس انتهى
الدرس انتهى .. لموا الكراريس
بالدم اللى على ورقهم سـال فى قصـر الأمم المتــحدة مسـابقة لرسـوم الأطـفال
ايه رأيك فى البقع الحمـرا يا ضمير العالم يا عزيزى دى لطفـلة مصرية وسمرا كانت من أشـطر تلاميذى دمها راسم زهرة راسم رايـة ثورة راسم وجه مؤامرة راسم خلق جباره راسم نـار راسم عار ع الصهيونية والاستعمار والدنيا اللى عليهم صابرة وساكته على فعل الأباليس
الدرس انتـهى ..لموا الكراريس ..
ايه رأى رجـال الفكر الحر فى الفكرادى المنقوشة بالدم من طفل فقير مولود فى المر لكن كان حلو ضحوك الفـم دم الطـفل الفـلاح راسم شمس الصباح راسم شـجرة تفاح فى جناين الاصلاح راسم تمساح بألف جناح فى دنيا مليانة بالأشبـاح لكنـها قلـبها مرتــاح وساكتة على فعل الأباليس
الدرس انتـهى ..لموا الكراريس …
ايه رأيك يا شعب يا عربى ايه رأيك يا شعب الأحـرار دم الأطـفال جايلك يحـبى يقول انتـقموا من الأشـرار ويسيل ع الأوراق يتهجى الأسـماء ويطـالب الآبـاء بالثـأر للأبـناء ويرسم سيف يهد الزيـف ويلمع لمعة شمـس الصيف فى دنيا فيها النور بقى طيف وساكتة على فعل الأباليـس
الدرس انتهى .. لموا الكراريس
------------- الكاريكاتير رووووعة ومناسب جدا للموضوع لانى قلت .. ان جاهين فنان وشاعر ورسام كاريكاتير وانتى بشطارتك عرضتى حاجة من ابداعه الكاريكاتيري فعلا عندك حق .. هوا ده اللى بيحصل ف مصر اللى بقت بلد المتناقضات والمفارقات بلد النيل عطشانة .. وبلد السد العالى مش لاقيه كهربا وبلد الخصوبة والنماء والخير .. مش لاقية تاكل ++++ | |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: مختارات .. صلاح جاهين الجمعة أكتوبر 22, 2010 7:10 pm | |
| سوسو كول لا حرمنا من حضوركم ومشاركاتكم اختى الفاضلة واتمنى ان اعرف رأيك وتعليقك على اعمال صلاح جاهين وماذا اعجبك منها او ضايقك فيها فمن اجل رأيك .. كان هذا الموضوع شكرا لكى اختى الكريمة ----- احلى ملاك شكرا لوجودك معنا ف المنتدى وشكرا لمشاركتك فى موضوعى مع انتظار رأيك فى شاعرنا صلاح جاهين ومن اجلك .. الموضوع مفتوح 24 ساعة -------------------
ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبى ..!!
| |
|
| |
مواطن مصري فكر هندسي مميز
عدد المساهمات : 4199 العمر : 46 الاوسمة: : النشاط : 5069 التقييم : 939
| موضوع: رد: مختارات .. صلاح جاهين الجمعة أكتوبر 22, 2010 7:14 pm | |
| اما انت بقى يا ابن والدى .. رحال انا كرهت جيشك النهار ده جدا هوا ده الكلام يا فنان ..!! من احلى المشاركات يا صاحبى - اقتباس :
- اتكلموا ..
فى البدء كانت كلمة الرب الاله ، خلقت حياه ، و الخلق منها اتعلموا ... فاتكلموا يا سلام يا سلام .. على اختيارك يا صاحب القلم الذهبى مضطر ارد عليك بااحلى اعمال جاهين اوبريت الليلة الكبيرة فانتظرونا .. فى الرد القادم -------- بكل سعادتى .. انتوا عملتوا موضوع لشاعر عبقرى وعلى ايديكم الناس عرفت مين هوا جاهين تقريبا .. ده اكتر موضوع فرحت فيه باحلى اصحاب يسلموا جميعا ---- حد عاوز يشاركنا يا جماعة .. ؟؟ بقصيدة وطنية .. او شبابية ..او شعبية تعرفنا اكتر على شاعرنا جاهين | |
|
| |
a white rose وردة المنتدى
عدد المساهمات : 25849 العمر : 47 الاوسمة: : النشاط : 18687 التقييم : 1833
| موضوع: رد: مختارات .. صلاح جاهين الجمعة أكتوبر 22, 2010 7:27 pm | |
| لان ما لايؤخذ كله لا يترك جله
تمام التمام حسام لانه في النهاية بشر يصيب ويخطئ ويجب أن نستفيد بتجاربه ونسمع له ونفهم ثم نحكم عقولنا
جزاك الله كل خيرحسام
| |
|
| |
نسمه شموخ أغلى سلمى
عدد المساهمات : 10862 العمر : 33 الاوسمة: : النشاط : 11756 التقييم : 2197
| موضوع: رد: مختارات .. صلاح جاهين الجمعة أكتوبر 22, 2010 7:38 pm | |
| عالجسر فوت الصبح تحت الضباب بين اللى لسه بينغرس واللى طاب ما أهتز قلبى لنبت طالع جديد قد اللى ماشى وتحت باطه الكتاب
......عجبى | |
|
| |
نسمه شموخ أغلى سلمى
عدد المساهمات : 10862 العمر : 33 الاوسمة: : النشاط : 11756 التقييم : 2197
| موضوع: رد: مختارات .. صلاح جاهين الجمعة أكتوبر 22, 2010 7:40 pm | |
| على رجلى دم نظرت له ما أحتملت على إيدى دم سألت ليه لم وصلت على كتفى دم وحتى على راسى دم أنا كلى دم قتلت ولا أتقتلت
...................عجبى! | |
|
| |
| مختارات .. صلاح جاهين | |
|