مختارات .. صلاح جاهين

الله يرحمك يا جاهين .. مالحتقش تشوف غزوة الصناديق
معبرة اوى الرباعية دى يا اسماء .. سلمت يداكــــِ
-------------

اقتباس :

قالوا السياسة مهلكة بشكل عـــــــــــام

و بحورها يا بني خشنة مش ريش نعام

غوص فيها تلقي الغرقانين كلهــــــــــم

شايلين غنايم .. و الخفيف اللي عـــــام

عجبي !!!

اقتباس :

هات يا زمان و هات كمان يا زمان


غير بسمة الشجعان مامني يــــبان


هو اللي داق الفرحة يوم ثورتـــــه


يقدر يعود و لا ثانية للأحــــــزان ؟

عجبي!!

اقتباس :

حاسة اني رجعت أيام الجاهلية..!

أولا : معركة الجمل.. ثم ثانيا: غزوة الصناديق.. شوية والاقيهم بيبيعوا العبيد في ميدان التحرير!!!

الله يسامحه ويهديه اللى قالها بقى .. هو نفسه اعتذر وقال كنت باهزر
بس بصراحه هزاره طووول وباخ ... وقعد يكبر تكبيرات الحج
والاسلام انتصر ..........!!!!!!!!!! والناس عايزة الاسلام ....!!!
مش عارف انتصر على مين ؟؟؟ وايه علاقة الاسلام بالتعديلات الدستورية ؟
الله يهديك يا شيخنا ..
( كفاية كفاية مفيش داعى اكمل )
-----------

اقتباس :

ازاي شبابنا يقوم و ياخـــــــــد دوره

من غير صراخ يئذيه و يجرح زوره

يا هلتري أحسن له يقعد ساكـــــــــت

أو ينترك و لو خرج عن طــــــوره ؟

عجبي !!!

اقتباس :

ما اقدرش أنسى البشر

من اجمل اعمال عمى جاهين .. ملحمة دموع ومرار

وقال بسببها كمان :

اقتباس :

لو فيه سلام في الأرض وطمان و أمن

لو كان مفيش و لا فقر و لا خوف ولا جبن

لو يملك الانسان مصير كل شـــــــــــئ

انا كنت اجيب للدنيا ميت ألف ابــــــــــن

عجبي !!

احلى تقييم يا شريكتى

بجد جاهين مبدع مبدع مبدع

وكل حد شارك وكتب جملة فى الموضوع دة

ميقلش ابداع عن جاهين

انا لما شفت دعوتك يا هندسه اننا كمان نشارك

كل اللى بحبه واللى عرفاه لجاهين لقيتكم كاتبينه وبجد فرحت اووووى لما قريته

على اسم مصر

والليله الكبيرة وبحب اسمعها متغنية جدااااااا

ورباعيات كتير بحبها اوووى

فانا هضيف دى كمان عشان بردو بحبها

عينى على اللى صرخ من تعبه اَه يانى
مبقتش قادر أشيل على ضهرى من تانى
وبعد ما كنت ملاذ أهلى وخلانى
أصبحت رافع شعار شفلك مكان تانى
عينى على اللى انكوى بجرح مش ليه
ولما انجرح بالقوى والكل عجز يداويه
صرخ فى الهوى صرخة رد الصدى قال ايه
يا طبيب الجرحى دواك جواك تلاقيه
وعجبــــــــــى

شكر خاص لكاتب هذا الموضوع الرائع

وكل من شارك واضاف معلومة او رباعية للفنان المبدع

لكم منى كل الــــــود

اقتباس :

عينى على اللى صرخ من تعبه اَه يانى
مبقتش قادر أشيل على ضهرى من تانى
وبعد ما كنت ملاذ أهلى وخلانى
أصبحت رافع شعار شفلك مكان تانى
عينى على اللى انكوى بجرح مش ليه
ولما انجرح بالقوى والكل عجز يداويه
صرخ فى الهوى صرخة رد الصدى قال ايه
يا طبيب الجرحى دواك جواك تلاقيه
وعجبــــــــــى

يااااااااااا الله .............!!!
ما تعرفيش القصيدة دى بتمسنى قد ايه ......!!
سلمت يداكـــــــِ و اختياراتك الممــــــــــــــيزة
ومعاكى حق طبعا .. انا مغرم بالليلة الكبيرة
وخصوصا مع تلحين الموسيقار الرائع سيد مكاوى
ابدع فيها بصراحة

انا وعمى جاهين بنحييكى ..
وبنقدملك هدية بسيطة مش قد المقام ( ده بالاضافة للتقييم طبعا )



أنا اللي بالأمر المحال اغتــــــــــــوي

شفت القمر نطيت لفوق في الهـــــوا

طلته ما طلتوش إيه انا يهمنـــــــــي

و ليه .. ما دام بالنشوة قلبي ارتوي

عجبي !!


شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!


و لو اتضنيت و فنيت وعمري انفرط

مش عاوز الجأ للحلول الوســـــــــط

و كمان شطط و جنون مانيش عــاوز

يا مين يقول لي الصح فين والغلــــط

عجبي !!

كام اشتغلت يا نيل في نحت الصخور

مليون بئونه و الف مليون هاــــتور

يا نيل أنا ابن حلال و من خلفتــــــك

و ليه صعيبه علي بس الأمــــــــور

عجبي !!!

عجبي علي العجب العجيب العجاب

لما الحقيقة تطل بعد احتجاب

و تروح و تحلا وفجأة تصبح مفيش

كمثل طراطيش بحر ياما خد و جاب

عجبي !!!

صلاح جاهين.. معين متجدد.. دائما.. حتى وإن قرأت كلماته من قبل.. أقرأها ثانية بنفس الاستمتاع..!!::::::::::::::وانا بالفلف ورا أثار جاهين.. لقيت الرباعيات المجهولة دي..!
:::::::::::::::::::
أنا عينى شافت ساعة رملية..
تنام تقوم ترتد مملية..

ولقيتها ح تعيش عمر طال أو قصر..

وح تنكسر..تشبه تمام ليا..

عجبى!..

اسكت على أمريكا واللى أصابها..
فى ثلاثة م الرواد أعز شبابها..
قال لى باخاف من خنجرى وأنا شايله..
دى القوة يا ما بتجنى على أصحابها..
عجبى!

كل يوم هاضيف شوية لاني اما حطيتهم كلهم سوا الكلام طلع لازق في بعضه ومش عارفة اعدله :(

الموضوع وصاحب الموضوع وشاعر الموضوع تحت امرك
ويسعدنا جدا اى اضافة تعمليها لشاعرنا جاهين

اما الحق انزل الرباعيتين اللى معايا قبل الغزو


ولدي إليك بدل البالون ميت بالــــــون

انفخ وطرقع فيه علي كل لـــــــــــون

عساك تشوف بعينك مصيرالرجــــــال

المنفوخين في السترة و البنطلـــــون

عجبي !!!


وقفت ساعة الصبح باغسل سناني

قالت لي شايف قوتي و لمعاني ؟

إيش تطلب اليوم مني ضحكة أسد ؟

والا ابتسامة اعلانات أمريكاني ؟

عجبي !!


يا خالق الكون بالحساب و الجبر

و خالقني ماشي بلختيار و الجبر

كل اللي حيلتي زمزمية أمـــــــل

وازاي تكفيني لباب القــــــــــــبر؟

عجبي !!


أوصيك يابني بالقمر و الزهـــــــــــــور

أوصيك بليل القاهرة المسحـــــــــــــور

و إن جيت في بالك .. إشتري عقد فل

لأي سمرا.. وقبري إوعك تـــــــــزور

عجبي !!!!


أنا قلبي كورة و الفراودة أكــــــــــم

ياما اتنطح و انشاط و ياما اتعكـــــم

و اقول له كله ح ينتهي في المعـــاد

يقول بساعتك ؟ و الا بساعة الحكم ؟
عجبي !!!