ممكن تتفضلوووا...!!!

انا بحس اني زهقانه وملانه لاني نفسي ف حاجات




ومش قادره اعملها كان نفسي ادرس الرسم واصوله



ومش نفع كان نفسي اشتغل فالاجازة وبابا مش رضي



نفسي احفظ القران وبتكسف اروح الجامع



بس اكتشفت اني ممكن اشغل وقتي بحاجه مؤخرا



انا هبدا ف كورس باذن الله يوم السبت اهي حاجه تشغلني



بس بجد الدراسه ارحم كتير وبتشغلني جامد

عارفين كمان انا م اول الاجازة مش بقيت بعرف




الايام خااااااااالص مش بقيت تفرق معايا لاسبت



ولا جمعه وخميس عارفين انا عيد ميلادي الشهر ده



بس نفسي مش افتكره مش بحبه ولا الشهر ده ولا عيد ميلادي



اصلي فاكره اعياد ميلادي اللي فاتت كلها كان فيها



اخبار وحشه تقريبا نفسي مش افتكر اليوم ده خالص



تصدقوا انا اكتشفت حاجه انا متعقده م اليوم ده sad

جنـــــــــــــــــــات
أحب اقولك في الأول ما تقوليش سوري انا طولت
علشان بجد هنزعل منك كلنا ...
هو أولا انتي قلتي الأيام دي يبقى هيا اكيد حاجة عابرة
بإذن الله بسبب أي مشاكل أو حاجة عندك بس عموما
انتي ممكن تكوني بتاخدي بالك اوووي ومش بتندمجي
مع حد بسررعة وهو ده اللي بيديلك الشعوور ده
يعني شخصيتك نفسها هيا اللي كده ، وممكن كمان
تكون انتي مش بتندمجي معاهم في مواضيع معينة
مش في كل حاجة ، بس عايزك مش تسيبي نفسك
تدخلي في الجو ده علشان فعلا الموضوع ده كان بيجيلي
في فترات وأحس بالخنقة والعزلة واأكتئب ، بس غالا
مش كنت بسيب نفسي علشان ما تأثر عليا بالسلب
أكتر وتتعبني بحاول اتخلص منها بأني اندمج معاهم باي
شكل وبأي طريقة وادخل في الموود واتكلم معاهم
وغالبا بلاقي الشعور ده راح لوحده ...
-----------------------------
لا يا ياسمينـــــــــــا على فكرة شكلك من النوع اللي
لما بيتخنق من حاجة بتأثر على بقية حياته وكل حاجة تانية
حتى مش مرتبطة بيها وهو ده سبب انك مش بتعملي
حساب لأيامك ولا عارفاها ولا بتفكري ولا مهتمة بيها
عايزك مش تخلي حاجة واحدة تضايقك في كله وتأثر
على الباقي ، يعني مثلا في حاجة تخنق وحاجة تفرح خلي
الحاجة الحلوة تغلب الوحشو وافرحي وانبسطي وما
تدايقي وأكيييييد الجو عمره ما هيرووق لازم من ده ومن ده ،
وبالنسبة لعيد ميلادك انتي فكرتيني بحد بيقولي نفس الكلمة
دي وفضل يقولها فترة بس عموما هي بتبقى عملية نفسية
وارتباط انتي بتعمليه ان الأيام دي حصل فيها حاجة وحشة
فأنا مش بحبها بس بمجرد ما بيحصل فيها حاجة حلوة
بتغيري رايك على طوول واكيد هتحصل حاجة حلوة بإذن الله
تخليكي تفرحي وبعدين هو في أحلى من إن الشهر ده
والأيام دي اتولدت فيها ياسمينــــــــــــــــــا تخليكي تفرحي
بالمناسبة أنا مش بحب يوم السبت خاااااااااااااااااالص..

انتوا جبتوا الموضوع دة في وقته والله
انا بقي دايما بتخنق بسبب انا تقريبا بقالي
3 شهور كنت عايشة في مشكلة في البيت
المشكلة دي كانت مأثرة علينا كلنا في البيت
عارف انا لو عشت لنفسي وما حسيتش غير
بهمومي كنت هعيش حياة سعيدة جدا
بس المشكلة اني غصب عني لازم
اشيل هموم اخواتي ووالدي ووالدتي
أنا كنت بستغرب قوي علي بسملة
حبيبتي لما كانت تدخل كل يوم المنتدي
وتقول انها مخنوقةكنت بقول معقول
حد مخنوق كل يوم
ما حسيتش بيها غير في ال3شهور دول
بجد حياتي كان كلها اكتئاب
الحمد لله المشكلة انتهت امبارح
هي صحيح انتهت نهاية مش حلوة
قوي بس انتهت والسلام وانا كدة ارتحت
كمان احيانا ببقي مخنوقة من حاجات
بشوفها ومش عاجباني
يعني مثلا امبارح كان عندي مستشفي
وشفت واحد مات قصاد عيني في العناية
كمان شوفت اهله والصراخ بقي والعويل
شفت حالات صعبة قوي والناس
غلابة والدكاترة رامينهم من غير رحمة
والله بقيت عايزة اعملهم اي حاجة
بس مش يايدي حسيت كدة اني عاجزة
يعني حالة واحدة وبنتها عندهم تسمم
سابوهم 3 ساعات مرمين علي الارض
علشان الست مش معاها بطاقة
علي النقيض جه ولد شكله ابن ناس
كدة وجاي بلبس رياضي شكلة كان في النادي
وطبعا بقة ماماي وباب ي وعمو
وتيتية وكله جاي معاه علشان
يخيط جرح في دماغة
واتفرج بقي علي ستاف الدكاترة
اللي كانوا بيتسابقوا يعالجوه
انا امبارح والله واحدة كانت جاية تكشف
ومستعجلة بقولها ليه يا حاجة ما تستعجليش
قالتلي ان ابنها في المستشفي
هنا وهي قاعدة معاه عنده 16 سنة
ووقع النخاع اتقطع وجاله شلل رباعي
والله لما عيطت انا عيطت معاها صعبت عليا جامد
ابص حواليا الاقي الدكاترة مبسوطين
وبيضحكوا ولو قلت لحد فيهم تعالي
شوف الحالة دي يتخنق ويقعد ينفخ
أنا بصراحة ما بقتش
عارفة انا اللي غلط ولا هما
وعايزني آجي مش ابقي مخنوقة
انا امبارح كرهت الطب وكرهت كوني دكتورة
بقيت خايفة لحسن من التعود ابقي زي الدكاترة دول
قد ايه حسسوني ان الناس رخيصة ومش لها تمن
مع ان عدد الدكاترة في المستشفي كبير جدا
يعني لو وزعوهم علي المرضي كل عيان ياخدلة 2 او 3

شكرا بيبو علي عرضك للموضوع

ايه

نفس المشكله بنعاني منها انا بس بطريقه مختلفه

شئون الطلبه عندنا اغلبها ستات تروحي تسالي عن

اي حاجه مش بتلاقي رد لاي حاجه وكلهم بيهزوا راسهم

انهم مايعرفوش حاجه مع انهم هم الشئون اللي المفروض نلجا ليهم

يوم الامتحان روحنا ناخد ارقام جلوسنا فضلوا يدوخونا لحد ماتاخرنا

وفي ناس دخلت الامتحان متاخر اوي .......................

عارفين ده ايه ده قله ضمير واهمال وتسيب واستهتطار

عارفين كمان انا دايما بقول ان جيلي هيغير الدنيا دي

لاني انا واصحابي وانتي واصحابك مش عاجبهم الوضع ده الاهمال ف كل مكان

اكيد لما نكبر ونبقوا مسؤولين هنبقي احسن وهننهي الاهماااااااااااااااااااااااااااال

مش عارف ابدأ منين بصراحة
ولا عارف اتكلم عن الملل ولا الخنقة
ولا الرحمة اللى راحت من قلوب الناس ولا ........إلخ
أى إنسان فى الدنيا لازم ييجى عليه وقت ويتخنق
ويمل ويتعب ويعانى حتى لو مفيش مشاكل
زى بالظبط الأحصائية اللى بتقول ان اكبر حالات
الإنتحار بتبقا فى الدول المتقدمة ، ودا بسبب الرفاهية
الزيادة ، والناس بتنتحر لإنها زهقت من الدنيا
اللى مفيش حاجة فيها ممنوعة ، كل حاجة متاحة
كل حاجة موجودة ،،، زهق وملل حتى من النعيم
عمومــــــــــــــــــــــــــــــــــــــــــــــــــــــــــاً
الإنسان مكون من جسد وروح والأثنين جزء لا يتجزء
نستفيد ايه من المعلومة دى
نقدر نستفيد منها كويس جداً ، وهو زى ما بتغذى جسدك
لازم وفرض عليك تغذى روحك
يا رحال أنتا مجنون هنغذى روحنا ازاى ؟
الفرار إلى الله
إشتياق الجبين للسجود ، عشق الجسد للركوع
تتمتع الإذن بالقرآن ......إلخ
أنا مش علامة ولا داعية
لكن أنا إنسان عادى جداً
بتخنق جامد اوى وبمل وبزهق وبتعب نفسياً كمان
وساعات كتير بييجى عليا الوقت أقول أنا معقد نفسياً
فيا كل حاجة بتييجى للإنسان العادى
لكن من واقع حياتنا وتجارب وخبرات ناس اخرى
اكتشفت إن الحل لكل الأمور دى هى
الفرار إلى الله عز وجل
مش معنى كلامى اننا كلنا بعاد عن ربنا
ولا معناه إن كلنا ملتزمين جداً
لكن أنا بقصد إن لو حسيت بكدا
فر واجرى لربنا وغذى روحك التى تشتاق لخالقها
طيب انا بصلى وبصوم وبقرأ قرآن
وبرضو تعبان ومخنوق هنا نيجى للغذاء النفسى
ودى منطقة لعب عنينا فى الموضوع
يعنى ايه لعب عنينا ,.............. هقولكم
فى جملة بنسمعها كتير وهى إن حد يقولك
انتا اللى عنيك حلوة وبتشوف كل حاجة حلوة
هيا الجملة دى فيها المفيد
لازم عنيك تشوف الدنيا بشكل اجمل
انا عن نفسى
ورب العباد فى عز ما بكون فى مشكلة غصب عنى
بلاقينى بفكر فى نقط الايجابية فى الموضوع
يعنى حلم عمرى بتقابلو مشاكل كبيرة مثلا
وانا عاجز عن الحل الأقى نفسى بفكر
شوف انا اد ايه صابر مع كل المشاكل دى
انا هكمل فى الصبر وهحاول احلها اكتر
مش مشكلة لما اتعب مش مشكلة لما اتخنق المهم انى اوصل
علشان لما اوصل احافظ على الحلم دا كويس جداً
لإنى تعبت فيه اوى فأكيد لما هوصلو هقدر قيمته
لإن اللى بييجى بسهولة بيروح بسهولة واللى بتتعب عشانو
بتقدر تقدر قيمته كويس
طيب يا رحال انتا عامل تودينا وتجيبنا الخنقة والملل اللى من غير سبب
مستحيل تكون مخنوق من غير سبب إلا فى حالة
انك تكون مخنوق من الفراغ
والفراغ حلو سهل اوى
اشغل نفسك بأى حاجة بلاش تخلى عندك أى وقت فاضى
وربنا يبعد عننا كلنا الخنقة
ــــــــــــــــــــــــــــــــــــــــــــــــــــــــــــــــــــــــــــــــ
ايووووووووووت
ممكن استفسار بسيط

اقتباس :

قالتلي ان ابنها في المستشفي
هنا وهي قاعدة معاه عنده 16 سنة
ووقع النخاع اتقطع وجاله شلل رباعي

هيا المستشفى دى اسمها ايه ؟؟؟
ويا ترا الولد دا اسمو طه
؟؟؟؟؟؟؟؟؟؟؟؟؟؟

يااااااااااااااااااه يا بيبو واضح اني مش لوحدي

وان الستات دول ف كل مكان انت عارف مره روحت
لهم نسالهم ع كذا حاجه منهم اني اسمي غلط فالافاده
والنتيجه والامتحان ردت بكل بردو ماليش دعوه
اسمك صح عندي طيب يا حاجه اتاكدي راحت قايله
لا هو صح عندي وخلاص المهم سالتها اسئله تانيه
هزات راسها انها مش عارفه
روحت لواحده تانيه هزت راسها نفس الهزه
انا بقي شيط جامد وبصراحه روحت قايله
ربنا يخرضكم كمان وكمان ربنا ينتقم منك محدش
فيكم بيريح كان معايا واحده صحبتي اخدتني وخرجنا
واحنا خارجين صحبتي سالت واحده تالته
راحت رددت عليها قالتلها انا بقي هكمل الناس
اللي مش بتريحكم مش صحبتك قالت كدا
انا بقي منهم ....ماما قالتلي روحي للعميد بس انا كبرت
بس انا ماسكتش رفعت شعار

لازم تكبر عشان تعيش

اقتباس :

هيا المستشفى دى اسمها ايه ؟؟؟
ويا ترا الولد دا اسمو طه
؟؟؟؟؟؟؟؟؟؟؟؟؟؟

الحقيقة انا مش عارفه اسم الولد
بس هو في مستشفي الميري في اسكندرية
انت تعرف حالة مشابهة؟؟

اه يا ايوت نفس الحالة بالظبط
بس مش فى اسكندرية خالص
ربنا يشفى جميع مرضى المسلمين