ممكن تتفضلوووا...!!!

اهلا باخي وحبيبي معاذ .. انتظرت مداخلتك بشغف
فانت افضلنا في هذا المجال ..
-------

اقتباس :

فهناك افراد ان اجزلت لهم العطاء ومنحتهم حقوقهم تماما فستجدهم دوماً نعم العون

وسياخذون الامور على عاتقهم ويحاولون اراحتك بقدر المستطاع

موافقك تماما .. وكمقدمة لشرح موقفي :
انت تعلم ان الطائفة التي اتعامل معها واعنيها بسؤالي .. تتصف بمستوى ثقافي محدود ..
بمعني انهم لا يملكون القدرة علي التحليل والاستنتاج واستيعاب الدروس بطريقة عقلية ..
انما اغلب استقبالهم للمواقف بشكل انفعالي وعلي الفطرة تماما .. اي انهم يتصرفون بالغريزة اولا واخيرا .
واستطيع ان اصف الطائفتين الاولي والثانية ببيت شعر جميل :
ان انت اكرمت الكريم ملكته .. وان اكرمت اللئيم تمردا
اعي هذا واتعامل معه .. واتخذه مبدأً .
واستعمل مبدأ العصا والجزرة .. واحاول ان اهدد بعصا العز - ولا اضرب بها -
ومبدأ الثواب والعقاب .. يستوعبه كل الناس علي اختلاف ثقافتهم ومستواهم الادبي والعلمي ..
وهذا ما احاول تطبيقه ..
--------

اقتباس :

النوع الخائن دوماً الذى لن يفلح التهديد معاه ولا الترغيب والتحفيذ ولا الايزاء النسبى

عندي من هذا النوع .. ( حشاش بادمان وسافل وصايع ) اساء للمهندس القديم في الشركة ..
فارسلوه لى لاتعامل معه واروضه .. وبدأت بالحسنى وفتحت له صفحة جديدة .. فتمرد واساء
فعاقبته .. واوقفته عن العمل .. ولا فائدة
( صحيح انه التزم قليلا ولكني اعتقد انها مناورة حتي يحصل علي راتبه ويهرب من الشركة )
------------

اقتباس :

/ الكياسه

2/ اعطاء كل ذى حق حقه

3/ اظهار الحب والمعاملة الحسنه لهم

4/ الترغيب فقط

احاول هذا بقدر استطاعتي .. مع الاحتفاظ بعصا العز - حتى لا ينفلت العقد مني
---------------
اتعرف اخي معاذ .. ؟؟
ليست المشكلة في هؤلاء .. عندما نستخدم مبدأ الثواب والعقاب بحكمة وعدل
عندما نكافئ المجتهد .. ونعاقب المقصر ..
فان هذا قانون عادل ومنصف ومرضى للجميع
انما المشكلة الاساسية .. هى فكر الادارة .. انا مضطر للشرح :
طلب مني ان اضاعف انتاجية العمالة .. قلت آمين .. والمقابل .. ؟؟؟
قال المدير انا علي استعداد ان اعطي اضافي لكل عامل ولو الف ريال شهريا
قلت فبها ونعم .. توكلنا علي الله ..
ومع بداية العمل .. شجعت العمال ونفخت في روحهم بالوعد
وبالفعل حققنا انجازا معقولا - في سفرية بيشة - وما كان يستغرق شهرا
انجزناه في اسبوع .. ( ومدحني صاحب الشركة لدرجة انه كبر وسمى علي )
ولما عدت الي جدة ..كان المقابل .. غضب صاحب الشركة
لمجرد اني اعطيت مكافأة لكل عامل مقدارها 50 ريال
متهما اياى ( اني بادلع العمال وباعودهم علي الفلوس الكاش )
هذه واحدة ..
والثانية لما رجعت الي اضم .. اشتغل العمال بجهد طول الشهر
وكتبت بيان اعمالهم .. خصم واضافي
فكان لكل العمال - عدا المراقب - 6 ساعات اضافي بالشهر = 45 ريال مكافأة شهرية
ومن العمال من نال خصم تأديبي 4 ساعات ( والصايع خصمت عليه 12 يوم )
اما المراقب فنظرا لمجهوده فوق العادي سجلت له 20 ساعة = 150 ريال
وبرغم ضيق المراقب واحساسه بالظلم ( لانه يستحق اكثر من هذا )
مع العلم ان الشركة الاولي كنا نعطي اضافي متوسط من 50 الي 70 ساعة شهريا

الا ان مدير الشركة الجديدة .. اقام الدنيا ولم يقعدها
وكانت بيننا مناقشة حادة .. خلاصتها :
سمن كلبك يأكلك .. وجوع كلبك يتبعك
وارسل لي تعميم كتابي ان .. ان الاضافي من اختصاصه هو ..
وليس من حقي منحه الا بعد الرجوع اليه ..!!!!!!!!!!
فارسلت له ردا موجزا .. خلاصته - ان الاضافي اختصاص مهندس الموقع -
وان من لا يستطيع ان يكافئ لا يستطيع ان يعاقب
ومن لا يستطيع المكافأة ولا العقاب .. لن يستطيع الادارة والسيطرة علي فريق العمل
واني احاول تنفيذ ما اتفقنا عليه سابقا ( من زيادة الانتاج ومنح المكافآت )
فاما ان يلغي هذا الاتفاق .. او يتم الالتزام بطرفي الاتفاق .. او اعفائي من مهامي
والسماح لي بالعودة لمصر .

زعل مني علشان قلت اني عايز امشي .. وانه بيعتبرني شريك في الشركة
وكلام كتير كده تثبيت ... ونام الموضوع شوية .. وبعدين فوجئت بانه حذف كل الاضافي ..
( حتي ما اتفقنا عليه سلفا من بعض مستحقات العمال )
واصبحت في موقف لا احسد عليه .. فكيف استطيع الحفاظ علي حقوق الناس
وكيف اضاعف الانتاج .. بدون موقف حازم يضع النقاط علي الحروف
----------------
السؤال الاساسي هو :
هل فكرة سمن وجوع .. هي قاعدة عامة يجب تطبيقها علي كل المجموعة ؟؟
وهذا ما حدث بالفعل .. فقد طبقت القاعدة علي الجميع ( بما فيهم انا )
--------
استشرت صديقا يعمل هنا .. فاجاب :
عليك بنفسك وحافظ علي راتبك .. وبس
العمال بقي عجبهم خير .. ما عجبهمش يسيبوا الشغل ويروحوا
قلت: المشكلة انهم لا هايعجبهم ولا هايسيبوا الشغل
هاتبقي النتيجة .. مناكفة مستمرة .. ومشاكل في كل خطوة ومرحلة
سواء مع العمال او مع صاحب الشركة ..
-------
كلامك كله علي عيني ورأسي اخي معاذ .. وبالطبع اخذت نسخة منه للفائدة
وفي انتظار باقي دروس الادارة يا صديقي - علي احر من الجمر

اقتباس :

ياااااااااه انا و الله كنت دخله الموضوع و حالتى النفسيه عادى بس بعد ما قرأت اللى كتبتوه بجد جبتولى اكتئاب

حقك عليا يا منة .. بس هوا ده موضوع الاكتئاب ..- قصدى الفضفضة -
اصلا بيبو مسميه كده ( ممكن تتفضلووووا ..) خدعة وتورية
المفروض كان يسميه ( ممكن تتفضلووووا تكتئبووووا ..!!).. ركن النكد يعني

لاء .. الحقيقة الراجل عامله عشان الفضفضة ..

اقتباس :

ربنا يهدينا و يهديم

اللهم آمين

اقتباس :

بس بجد اكتر حاجه تخنق الواحد انك تكون قاعد فى امان الله و قلبك ينقبض و متبقاش عارف فيه ايه و تبقى خايف و مرعوب و ما يبقاش فيه حاجه وحشه فى الاخر

ربى ما يجيب اي حاجة وحشة ابدا .. وسلامتك م الخوف والقلق يا منة
بس انتى تقصدى ايه ؟؟
مثال عام يعني .. والا قصدك علي حالتي انا ؟؟

ربنا يوفقك حسام

وانا على فكرة ارسلت لك اتنين على الاميل

طمنى لما يوصلوا ولسه فى كثير

لما تخلص اللى عندك اكملك ان اردت ان شاء الله

ربنا يعينك ياصحبى والاختبار اللى انت فيه صعب

لكن اكيد ودون شك انت قدها يابطل

وعلى فكرة حسام احنا كمان شغلنا مش مكتبى تقدر

تقول ان 80% منه بالسوق

و20% بالمكتب

والعراقيل التى تتعرض لها تتشابه مع مانتعرض له

زائد كمان ان شغلنا

1/تتلقى رسالة من مدير

2/ توصلها للمناديب (كل منهم باسلوبه وبسعة ادراكه)

3/ ضمان وصول الرساله للعميل بالشكل الذى يحقق اهدف الشركة

وفى نفس الوقت ملائم للعميل

المهم انهم يعجبوك ياصحبى

كل سنه وانت طيب حسام

وسلام كبييييييييييييييير لسلومه

وكل اللى عندكم

ربنا يسلمك حسام ويبارك فيك

انا بقى مشكلتى انى مش بحب اخرج ولا اروح لحد

وده بيزعل ناس كتير منى

قولولى اعمل ايه انا بدايق لما اروح لحد

بحب الكمبيوتر بس افضل قعدة عليه طول النهار ومخرجش

فقرايبى بيزعله منى كتيييييييييير

اعمل ايييييييييييييه

اقتباس :

قولولى اعمل ايه انا بدايق لما اروح لحد

بحب الكمبيوتر بس افضل قعدة عليه طول النهار ومخرجش

شوفي يا مرمر ..

كلنا لينا هوايات .. او حاجات بنحب نعملها .. ونلاقى سعادتنا فيها
وده مش عيب ولا حرام .. ده حقنا
لكن لما لاقيت ان فى حاجة معينة بتاخدنى من اهلى واصحابى وبتأثر على علاقتى باللى حواليا ... فكرت شوية ..
وقلت الاسراف فى اي حاجة مش كويس .. وخصوصا اذا كان له تاثير سلبى على حاجة تانية .. مثلا :
انا باحب اسهر طول الليل اشوف افلام او العب جيمز او اقعد ع النت ..
بس لاقيت العادة دى .. بتأثر على دراستى وعلى وشغلى بعد كده
يبقى انا لو سيبت نفسي على كده هاضرها مش هانفعها

يبقى انا اعمل اللى باحبه .. بشرط ما اظلمش حاجة تانية .. لا اظلم نفسي ولا اظلم اللى حواليا ..
الكلام ده له علاقة بترويض النفس والسيطرة عليها ... ولازم تعرفى ان النفس ليها نوازع ورغبات .. ( مش دايما بتبقي كويسة ومفيدة )
مش باتكلم فى الحلال والحرام .. انا باتكلم فى الحلال والحلال
الاكل حلااااال ... لكن كتره والاسراف فيه بيجيب تخمة وتختخة وقلبظه .

الخلاصة ..
اعملى اللى بتحبيه وبيسليكى .. بس من غير ما تسمحى له يسيطر عليكى
ويبقى هوه اللى بيحكم عليكى ..
لان الحياة مش بس متعة وراحة وحاجات باحب اعملها
الحياة كمان التزامات ومسؤليات وواجبات ..
واوعى تاخدى الواجب على انه حاجة تقيلة علي النفس ..
لان الواجب علينا ..هوه حق الاخرين علينا.. واحيانا بيبقى هو السلمة اللى هاتطلعنى فوق
وهاييجى وقت .. افرح فيه انى تعبت نفسي شوية وطلعت السلمة ..
وهاييجى وقت احتاج فيه لحقي على الناس .. انهم يسيبوا اللى بيحبوه علشان يودونى

ماحدش قال سيبي اللى بتحبيه واعملى اللى مش بتحبيه .. لاء طبعا

لكن باقول :
ما تخليش اللى بتحبيه .. يزعل منك اللى بيحبوكى
وما تخليش اللى بتحبى تعمليه .. يأثر عليكى سلبيا
( ويخليكى تنفصلى عن الدنيا ومعزولة عن الناس )

شوية كنترول بسيط ع النفس ..
هاتلاقي نفسك بتعملى اللى بتحبيه .. وبتحبى اللى بتعمليه ( حتى لو كانت قعدة العيلة )