بيرم التونسي

وطنى المستباح


طول ما اليهود جنبنا قول ع السلام ياسلام

يرتاحوا من ضربنا ويحودوا على الشام

وكل مجرم يهنيهم على الإجرام

ويقول لهم شدوا حيلكم وازحفوا لقدام

وابن العرب لما يشكى يبقى عيب وحرام
*******

قالوا لها يا إسرائيل أرض العرب خشى

وكل يوم كده بالدبابات قشى

وان صدت الدبابات بالطيارات رشى

ولما نصرخ فى وشك صرختين كشى

شهرين تلاتة عودى وارجعى نشى
*******

قالوا لها يا إسرائيل الدنيا و أمريكا حباكى

وبالسلاح فى السما والأرض سانداكى

ما تفزعيش من دموع اللاجىء الباكى

جيش العرب يصبحوا كلهم لاجئين

حنوبخك بالكلام وقلوبنا وياكى
*******

وقالو ياإسرائيل فوق العرب خطى

ومن العراقين إلى أرض الهرم نطى

لا تخجلى من كلام الناس ولاتوطى

ولما ترجع لشعبك مملكة سليمان

يعلا مقامك وفوق الروس تنحطى
*******

وقالوا يا إسرائيل دبح العرب جايز

حسب المزاج ادبحى أطفال وعجايزالدنيا هايصة وسهم

المعتدين فايز

وان كان على اللاجئين أهل المروءة كتير

بيعطوا للاجئين شلنات وبرايز
*******

وقالوا يا إسرائيل ملكك ما لهش حدود

والمسلمين اللى حوللك من جيرانك دود

أما السلاح تحت أمرك بالبلاش موجود

لو تدبحى المسلمين واحد ورا الثانى

مين اللى يحكم عليكى والأحبة شهود
*******

وقالوا يا إسرائيل إحنا اللى باعتينك

واحنا بالمال والصواريخ بنعينك

ونغمض العين عنك واحنا شايفينك

فى المسلمين ادبحى واحد ورا الثانى

وكل ما يصرخوا سنى سكاكينك

يا بختك يا عم هاتشركى استاذ حسام بحاله
دقوا على الخشب يا جماعه علشان ما نحسدهاش ههههههههههه
يالله ورينا شتارتك بقى و متكسفناش و لونى واثقه انك عمرك ما هتكسفينا
ربنا يوفقك يا ايه و يديم عليكى نعمه

الله اكبر الله اكبر
هاتحسد اهوو خلاص

طيب يا استاذ كده اودام الناس بردو ؟

يلا ربنا يسترها علينا بقى




شرف ليا كلام حضرتك استاذ حسام

كده يا استاذ حسام انا لمضه طيب انا مخمصاك
وبعدين نا اكتب كلمتين لبرم التونسى ليه انا اكتب كلمتين على اللى عرفنا ببرم التونسى و اللى هوه طبعا حضرتك
ربنا يبارك فيك ويرزقك من ماله الحلال و يسترك دنيا واخره
وبجد ما شاء الله عليك عندك لباقه فى الكلام مش محدوده ربنا ينعم عليك كمان و كمان بنعمه الكريمه
وعلى فكره انا ما اقدرش ابدا اخصمك لان حضرتك عندى اكتر من اخ كبير بحترمه و بيعجبنى فى كل حاجه بيقدمها او بيرد عليها

وانتى يا ايه انتى عارفه انا و الله العظيم عنيه مش مدوره
فمتخفيش يعنى انا مش هحسدك

عيب عليكى يا وحشه انتى

دا لو الدنيا كلها حسدتنى منونه عمرها ما تحسدنى

انا كنت بهزر يا عبيطه

عارفه و الله انا كمان كنت بهزر

والله انا مش عارفه ارد اقول ايه بعد الكلام الجميل ده كله و الله اخجلتم تواضعنا
على العموم شكرا ما حضرتك فى الاول و الاخر استاذى
بس ده ما يمنعش برده انى اطلب من حضرتك طلب.........ممكن لما تبقى حضرتك فاضى تبقى تدخل على موضوع (حوار بين فكرين) علشان انا حاسه انه حصل فيه مهازل و محدش هيقدر يقنعهم ولا يرد عليهم غير حضرتك
ربنا يبارك فيك وفى سلومه و مامة سلوه كمان هه

شكرا لثقتك فيا يا منة .. وكان بودي انفذ طلبك
بس الادارة قفلت الموضوع خلاص .. ( مؤقتا لحد النفوس ما تهدى شوية )
وصدقيني كل المجموعة اللى معانا من اخوانا الفلسطينيين محترمين جدا
كلهم شباب وبنات في منتهي الطيبة والاخلاق
بس هوا الانفعال زيادة شوية ( لان قضيتهم .. قضية مصير ودم وحرية )
- مش مجرد ازمة مواصلات والا بطالة -
وانا متأكد انهم - لحالهم - هايهدوا ويتعاملوا مع بعض بكل محبة واحترام
-----------
شكرا لاهتمامك الجميل يا منة ..

عرفت دلوقتى انه اتقفل
على العموم شكرا ليك استاذ حسام و ربنا يهديهم وينصرهم

راس المال


جبان يفزع و يتخبىَّ
إذا هَبَّ النسيم حبَّه
و لما تعصف الأرياح
يخلي حبته قُبَّه



و لما يقولوا دي مظاهره
بريئة من بنات طاهرة
بنوك القطر و القاهره
تحط القفل و الضبه



و لو عيل بزماره
نفخ في أيها حاره
يقول الليلة فيه غاره
و أنا اللي حاكل الضربه



يا رأس المال يا متدلِّلْ
عايز لك للسكن منزل
فراشه ورد و قرنفل
و روضة فيها تتربَّى

ايه الجمال ده يا ايه مستنين منك اكتر يا حبيبتى

ماشاء الله يا ازهرية .. اضافاتك تزيدنى اعجابا لبيرم
وتقديرا لكى ..
مجهوووووود ومشاركة فوق الراااائع وفوق التقييم
++

اقتباس :

قريت و مليت كفايه

خوف السقوط و البطاله

و كل ما ازداد قرايه
بالدنيا أزداد جهاله

يا طالب العلم تنداس
لو يبقى علمك بضاعه

احسنتى الاختيار والانتقاء .. الحكمة فى هذه القصيدة تلفت النظر بشدة

اقتباس :

و اللي استنارت نواياه

يلقى الذهب في الحصيره

ان كنت تطلب رضى الله
يجعل لك الناس عبيدك

و ان كنت تطلب رضا الناس
أقلهم يبقى سيدك

متضادات السلوك والنوايا مقنعة للغاية .. والنتيجة محتومة لا خلاف عليها
قصيدة مبهرة بصراحة يا آية
سلمت يداك واختياراتك .. وفى انتظار الجديد دوما
استمرررررررررررى

اقتباس :

ريا وسكينه


يا ولاد حكاية في البلد
ما تتنسيش طول الأبد

شابت لها راس الولد
و اختل عقل اللي كبر

حكاية ليها العجب .. عن عيلة كلها سفاحين
ملت شاشات السينما والمسرح ..بدراما الخوف والقلق واحيانا شوية ضحك
لكن دايما كانت تبقى فى القلب دقة خايفة من ذكرى الفوطة والمية والبخور
بيرم سكندرى .. عاش القصة وعاصرها .. او كان حديث عهد بها
حكى الحكاية بغل وغضب وألم .. وخرجت حروفه شبه المأساة التراجيدية

لكنه ابدع فى نصيحة اخيرة .. ما فاتش عليه يحكيها :

اقتباس :

هاتوا المشانق و النعوش
و ريحونا م الوحوش

و انت يا بو البنت حوش
بنتك في بيتك يا بقر

---------------------
ازهرية
الى مزيد من التقدير والتقييم .. ولا املك لكى الا الشكر الجزيل