بيرم التونسي

الاولة لازم اقوووولك : حمدا لله ع السلامة يا منة
منوووووووورة المنتدى والدنيا
ربنا يوفقك دايما
-----------
والتانية .. انا سعيييييييييييد جدا بمشاركتك معانا
باجمل قصائد بيرم ..
----------
والتالتة : من اروع زجليات العبقرى التونسى

اقتباس :: حافضين عشره اتناشر كلمه

نقل من الجـــــــــورنال

شوق وحنين وأمل وأمانــــــى

وصد وتيـــــــه ودلال

واللى اتعـــاد ينزاد ياخــــــــــوانا

وليل ونهــــــــار هـــوّاه

ياهل المغنى دماغنا وجعنـــــــــــا

دقيقه ســكوت لله

************

ما بين حنقه على الركاكة والابتذال .. وما بين التكرار الممل لنفس المعانى
المستهلكة .. بعيدا عن اوجاع الناس ومعاناتهم
-------------
احلى شكر وتقييم .. لاطيب منة
دووووووم يا رب مرورك وحضورك معانا
++

لكى تقديرى على المساهمة الجميلة وتقييمى

انتى كده بقيتى شريكتنا ف الموضوع يا منة ..
( بنوتة وبس - ازهرية - منة الله - حسام - ..... )

حد يحب ينضم للفريق الخطير ده يا جماعة ....؟؟؟

++++++++++++

المواطن مصري كتب:: الاولة لازم اقوووولك : حمدا لله ع السلامة يا منة
منوووووووورة المنتدى والدنيا
ربنا يوفقك دايما
-----------
والتانية .. انا سعيييييييييييد جدا بمشاركتك معانا
باجمل قصائد بيرم ..
-------------
احلى شكر وتقييم .. لاطيب منة
دووووووم يا رب مرورك وحضورك معانا
++

الله يسلمك يا استاذ حسام بيرم التونسي - صفحة 4 273597

هايظهر نورى ازاى بقى و حضرتك نور مغطى على الكل بيرم التونسي - صفحة 4 616974

هههههههههههههه ربنا يخليك لينا يا رب بيرم التونسي - صفحة 4 764206

ان اسعد و الله انى شركت معاكوا فى ال بيرم التونسي - صفحة 4 516341

ده

على تقيمك استاذ حسام يا رب اكون فعلا استحقه

المواطن مصري كتب:: لكى تقديرى على المساهمة الجميلة وتقييمى

انتى كده بقيتى شريكتنا ف الموضوع يا منة ..
( بنوتة وبس - ازهرية - منة الله - حسام - ..... )
++++++++++++

يشرفنى طبعا مشاركتى معاكوا فى الموضوع الرائع ده
ربنا يوفقنى و اضيف شئ مهم معاكوا بيرم التونسي - صفحة 4 323719

الفن ياهل المحبه : روح تخاطب روح ، بلغاها
و الفن يا اهل البصيره : عين تكلم عين ، بنباهه
و الفن ياهل القلوب : صوت من سكوت الموت ، احياها
يا طالب الفن افتح لك كتب في الفن تقراها
*****
توت عنخ آمون
في مصر كنت الملك لك جيش ولك حاميه
ودوله غير دولتك ما تعمل الموميه
و امه غير امتك ما تزرع الباميه
ولما خشوا عليك المقبره يلاقوك
نايم مفتح .. ولكن في بلد عـميه
*****
باريس
يامدمزيل ياللي ف قصرك يازينه عصرك
المبسط يحبك على خصرك يتهز قوام
في الحرب بتواسي المجاريح فوق الطراريح
وتـقـلبي الغـم بـتـفـريح والنار بغرام
ومشيتـك في السكه غزال وقيافتـك عال
كدا سلت ملت مفيش خلخال وسخام لطام
ولا الايدين فيها غوايش ولا شيء حايش
كدا لهط مهط فطير بايش اشمط وانام
اللحم ابيض ومزقـلط وبيـتـزفلط
والوش ده مش متخطط زي ام لتام
دول في المدارس ودوكي بيربوكي
الله يخليكي لابوكي وامك ياتـمام
طلعتي حافضه جغرافيا وصحه وعافيه
حتى اللي هوه بلا قافيه حافضاه ياسلام
البنت عضو في اكاديميا وتعرف كيميا
خلينا احنا في الباميا والفقر التام
تمسك ياعم ايد التلفون مش ايد الهون
اللي تسمّع في الكركون والناس ح تـنام
فين اللي تعـتر في الحلّه وتكسر قـلّه
من اللي تـنقـش دانتيلّه من البفته الخام
مفروده دايما لاتبوز ولا تـتأوز
عازبه ولما بتجّوز تعمل له مقام
يبوسها قدام جمعيه وتبوس هيه
لا كسكسه في الحريه مسيو ومدام
مادام يحبها وتحبه وداخله ف عبه
مايسبهاشي ولا بتسبه من عنده كلام
اما الا نيته ام جلاجل تاخد الراجل
تركبه الفقر العاجل وتجيب له لجام
متجوزاه وعاملاه سلم لويتـكلم
الضرب على صدغه يعلم اكفف واقلام
تدخل وتخرج ماتشاور عايزه اساور
ماتخلي شرطي ولامجاور ولا واد خدام
عليها حته دين عرقوب ولسان مسحوب
وصدغ اطول م المركوب وتياب قُدام
وجوزها يشرب بنوره وهيه طاطوره
تحبل وتولد بالطوره زي الأغنام
يـيجوا العيال اللي يهرهر واللي يـبربر
ودا اللي اقرع واللي اعور واللي له خزام
اطفال اوربا ف عربيات ومربيات
وبزازات وتبات ونبات ولهم حمام
لا ده ابوه مليارد كبير ولا دا ابن فقير
مادام دا يبقى طفل صغير تعذيبه حرام
قال الكرم خد اموالنا امال مالنا
يارب سايـبيـن اطفالنا زي الايتام
مكومين كدا في الشارع روس وكوارع
والسلسله وعضم الذارع والباقي عضام
تدوسهم الساده الشماليل يعني المساطيل
المجعوصين جوا الطومبيل زي الاصنام
آه لما اشوف رزق الجاهل كدا بالساهل
صاحب وجاهه دا بيستاهل حكم الاعدام
الورد
في كل عام للورد اوان الا النسوان
بقدرتك نابتين الوان ابيض و احمر
وانت اللي تعلم وان اجهل فيه ايه اجمل
من دي الخدود اللي لا تدبل ولا تتغير
ودي العيون اللي اشهد لك بها و اسجد لك
دي خلت الطاغي انقاد لك والمتكبر
والشفتين اللي فالقهم كنت خالقهم
للابتسام و لا لازقهم دانت تحير
بذمتي انت اللي جاذبني يا معذبني
و ياللي ذوقك يعجبني لما تصور
لك صنعه في العين و الحاجب بيها تتعاجب
وتقول وجود الله واجب مين بيه يكفر
ولك قوالب للاجسام غلب الرسام
يقلدك بحجر و رخام يلقاك اشطر
يا ست يام زناق محبوك وقميص مفكوك
حطي على القلب المشبوك ايدك يعمر
ويام نص ملايه حرير و النص يطير
على الكتاف انا عقلي صغير غطى المرمر .....
وياللي ساقـك يسوى رقاب حارت الباب
في لون حقيقته ان كان بشراب و لا مقـشر
و ياللي خصرك له حركات تقفل شركات
ويضج منها داوود بركات لما يحرر
وياللي لابسه لي جوانتي اربعه سنتى
على ايه خفيتي و بينتي في اللي ما يظهر
و ياللي بالدراعات تمشي و لا تحتشمي
متشمره لي وما اقدرشي عالمتشمر
و يام شمسيه عايقه على فين سايقه
يا مركبه الورده اللايقه ع المتشــــــجر
هواكي الياسمين هافف و حلق رافف
يصافح العقد اللافف على دى المنحر
يا مسلمين الله يا حريم انا مالي غريم
غيركم اروح وياه في جحيم يوم المحشر
الدنيا و النسوان خلاص و الراجل لاص
لا طبله تـنفع و لا بلاص لو يتكسر
*****************************************
يا شرق فيك جو منور
والفكر ضلام
وفيك حراره يا خساره
وبرود اجسام
فيك تسعميت مليون زلمه
لكن اغنام
لا بالمسيح عرفوا مقامهم
ولا بالاسلام
هي الشموس بتخلي الروس
كدا هو بدنجان
******
يا بــنت باني الهرم لمي هلاليلك
و البرقع اللي انخرم ويا مناديلك
يكفي لومان في الحرم
في قيد خلاخيلك
ما شفت زيك سجين ساكت و متاوي
غلبت اقول للرجال خلوا المره حره
تخش رخره المجال تفهم و تـتـدرى
العاقله بنت الحلال ما يضرهاش بره
لكن بتنصح ف مين روس جامده صنطاوي
جهل النسا بالعلوم خلانا انتيكه
نفهم في فن الهدوم رقعه و تشتيكه
وفي البلد عالعموم
ما تلقى فابريكه
غير فابريكات الطحين
فليحيا بدراوي
راية ولاد العرب في الارض منكوسه
طول عمرها و السبب احسان و نفوسه
والله اللي قال ما كدب نسوانا موكوسه
حتى اللي متعلمين بردون يا شعراوي
****************************
عجلي ملخبط يا خلايج و عنيه مزغللين
من نسوانك يا فرنسا البيض العريانين
يا صلاة الزين يا ما شا الله يا ولاد عالنساوين
على شط السين يا محمد نايمين و ممدين
واحده عاتعوم في الميه و التانيه في الكابين
لابسين خلجات للركبه دايبين و مجطعين
و اللحم زبده طريه كاسياه الفساتين
مطرح ما دوس و اطبش ملجاشي الا عجين
ونا هاتعجب يا خوانا يخرب عجلي التخين
اشمعني جفاهم ابيض و جفايا زي الطين
ونا ناشف ليه و معضم ودولاته متختخين
*****
والله صغير يا محمد حبسوك سبع سنين
و امك عاتجول يا محمد واختك يا محمدين
وجرايب جرعت باشا لابسين النياشين
تلقاهم في الجزيره قاعدين و مفرشين
للبيه منهم تكريعه يسمعها اللي ف شبين
صدج من قال بلادنا دي بلاد المنفوخين
بالبنطلون و الستره عاملين متمدنين
ليل ونهار يا حبايب مساطيل و منزلين
ما يشوفوا الطور من النعجه و الفرخه م الهاجين
ابكي عليك يا معوض مسكين والله مسكين
وحديك قاعد و حبايبك في البلدان مزعوطين
زغلول باشا المجاهد في بلاد العيانين
والسلطه العسكريه قطعت ايدي اليمين
و اللورد له اوامر مكتوبه عالجبين
لا البرلمان يمسحها و لا حتى الشياطين


يسلمووو كتير ننتظر جديدك

شكرا ملاك بس احنا منتظرين اضافتك
يا ريت تزدينا من لمساتك الحلوه يا قمر بيرم التونسي - صفحة 4 273597

المركب

يا موج البحر يا رايق واصل منين وفين سايق

اروح شرقي تتابعني واروح غربي تطاوعني

وانا في الروحة والجاية

بفكر في حبيب ليه

احبايا اللي زاد شوقي اليهم نسوني قد ما فكرت فيهم

أمانة يا نسيهم سلم عليهم

ولاطفهم ولاغيهم وفكرهم وعابثهم

على قلة مكاتبهم

اقتباس :: يا موج البحر يا رايق واصل منين وفين سايق

اروح شرقي تتابعني واروح غربي تطاوعني

وانا في الروحة والجاية

بفكر في حبيب ليه

احبابى اللي زاد شوقي اليهم نسوني قد ما فكرت فيهم

أمانة يا نسيم سلم عليهم

ولاطفهم ولاغيهم وفكرهم وعابثهم

على قلة مكاتيبهم

--------------

اختيار ولا اروع .. وقصيدة من مبدع لما يروووق
ومن شاعر مهموم .. لما يحن للروقان ويشتاق للاهل والاحباب

++
http://www.dalem.net/montada-f22/topic-t13046.htm

يسلموووووووووووكتييييرا
ننظركل ماهو جديييييييييييييييييد

مثبت

روائع بيرم التونسي

في احوال مصر
=========
الشاعر الشعبي الكبير أمير الزجل والشعر العامى
بيرم التونسي

:يقول فاضحا الحكومة
أربع عساكر جبابرة يفتحوا برلين
ساحبين بتاعة حلاوة جاية من شربين
شايلة علي كتفها عيل عينيه وارمين
والصاج علي مخها يرقص شمال ويمين

إيه الحكاية يابيه؟
قال خالفت الجوانين
اشمعني مليون حرامي في البلد سارحين
يمزعوا في الجيوب ويكسروا الدكاكين
أسأل وزير الشئون ولا اكلم مين؟‏!‏
ويعود بيرم التونسي فيقول‏:‏
في مصر أربع تلاف محامي
أشوف عددهم أقول يا حامي
أتاري فيه مليونين حرامي
وكل واحد عليه قضية

ازجاله تتحدث عن مشاكل تجعلك تكاد تصدق أنه يعيش بيننا اليوم.
فهو يتكلم عن الروتين الحكومى في قصيدة "دوسيهات الدواوين":
وعن طفح المجاري في قصيدة في دي الدوسيهات أشغالك وأشغالي
بقالها خمسين سنة في وضعها الحالي

"المجاري"
حارتنا زينة المجاري
في وسطها نهر جاري
بفضل مجلس بلدنا
وفضل فيض المجاري
وعن المحسوبية في قصيدة
"الواسطة"
الواسطة لسة شغالة
يا رجــــــــــــاله
والحالة هياها الحالة
في كل مكان
وعن "الاختلاسات":
ياواد يافندي الديوان معفــن
من كتر مابتحشي فيه وتدفن
حايظبطوك عن قريب مكفن
بسرقتك والحنوط عليه
وعن "الغش والغلا":
الأكل والشرب في إيد اللومنجية
والطماعين اللي غلوا الملح والميه
وعن الدروس الخصوصية في قصيدة
"درس خصوصي":
يا باعت ابنك مدرسة جعلت بيتك مدرسة
أستاذها يقبض أجرته وأكل مجاني ونسا
وعن الغناء الهابط في قصيدة
"يا هل المغنا دماغنا وجعنا":
ياهل المغنى دماغنا وجعنا دقيقه سكوت لله
داحنا شبعنا كلام ماله معنى يا ليل ويا عين ويا آه
وعن "فوضى المكرفونات":
الجمعة دي في حارتنا أربعه حجاج
والميكروفونات طغت أمواج على أمواج
وعن "أطفال الشوارع":
في كل روضه الطفولة خدها ينباس
وانتم خدودكم على سفح التراب تنداس
وعن "الزحام":
قالوا اللي ما يكونش في الأول دا يبقى عويل
ومن كده بالقليل في كل زحمه قتيل

والله البهايم ولا أولاد قابيل وهابيل
الضرائب
بيرم التونسي يتكلم عن المجلس البلدي الحكومى (المحليات و الضرائب الآن )وما يفعلونه من استغلال للناس بالضرائب الباهظة في ظل الغلاء الفاحش
فيقول
هوي حبيب يسمي المجلس البلدي
أمشي واكتم انفاسي مخافة ان
يعدها عامل للمجلس البلدي
ما شرد النوم عن جفني القريح سوي
طيف الخيال خيال المجلس البلدي

اذا الرغيف اتي فالنصف اكله
والنصف اتركه للمجلس البلدي
وان جلست فجيبي لست اتركه
خوف اللصوص وخوف المجلس البلدي
وما كسوت عيالي في الشتأء ولا
في الصيف الا كسوت المجلس البلدي
كأن امي بل الله تربتها
اوصت فقالت اخوك المجلس البلدي
اخشي الزواج اذا يوم الزفاف اتي
أن ينبري لعروسي المجلس البلدي
وربما وهب الرحمن لي ولدا
في بطنها يدعيه المجلس البلدي
يا بائع الفجل بالمليم واحده
كم للعيال وكم للمجلس البلدي

قد اوقع القلب في الاشجان والكمد

============
فماذا تغير فى مصر بعد عشرات السنين؟
للعلم ..الشاعر محمود بيرم التونسيولد في الأسكندرية عام 1893 ونفي من مصربسبب شعره المناهض للاحتلال البريطاني .و مات عام 1961

احلى تقييم لـــ منة الله .. هدية جميلة منك لشاعرنا بيرم
ولنا
استمرررررررى دائما .. ياا شريكتنا الغالية

ربنا يخليك يا استاذ حسام و ان شاء الله آتيكم بما هو جديد دائما

انا وتقييمى

فى انتظارك منة ..

وفى انتظار جديدك دائما

في أرضنا للأجانب ، ألف أسكـولة
يخرجو بالألوف من غول إلى غولة
عارفين لجلب المكاسب ستميت حيلة
ويجمعنا من جيوبنا المال بالكيــلة
واحنا وزارة معارفنا أم هلـيـــله
أم الحيطان والبيان، والحطة والشيلة
تاخذ ولادنا وبفلوسنا وبالتيــــلة
اشطر ما فيهم ما يكسبش عشا ليـلة
واجدع ما فيهم يقـول يا ست وسيلة
شوفي لنا حتة وظيفة تستر الميــلة

حاتجن ياريت ياخوانا

مارحتش لندن ولا باريز

دى بلاد تمدين

ونضافه وزوق ولطافه

وحاجه تغيظ

مالاقيتش جدع متعافى

وحافى

وماشى يقشر خص

ولا شحط مشمرخ افندى

معاه عود خلفه

ونازل مص

ولا لب أسمر

وسودانى وحمص

وانزل ياتقزقيز

حاتجن ياريت يا أخواننا

مارحتش لندن ولا باريز

**************
ولا عركه فى نص الليل

دايره بالحيل

وساحبها بوليس

قدامها جدع متجرجر

وشه معور

قال ايه دا عريس

الخلق ماهى بتتجوز

واشمعنى أحنا مفيش تمييز

حاتجن ياريت يا أخواننا

مارحتش لندن ولا باريز

*************

ولا واحده فى وش الفجر

تبرطع ماليه الدنيا صوات

قال ايه

جوز خالتى ام احمد

سلفة أخوها السيد

مات

سبحانك ماأعظم شأنك

والله الموت

دا مفيد ولذيذ

حاتجن ياريت يا أخواننا

مارحتش لندن ولا باريز

*************
ولا واحد طالع يجرى

وواحد تانى بيجرى وراه

ويقول هاهع حصلتك

يابن اللى ابصر أيه عاملاه

لا الشارع غيط ياأخواننا

ولا احنا بداره

ولا احنا معيز

حاتجن ياريت يا أخواننا

مارحتش لندن ولا باريز

**************
ولا واحد بيبيع حاجه

يقول بريال وتاخدها بصاغ

ياأخواننا دى حتى الابره

تاخدها بدوشه وقلب دماغ

حلفان

وعراك

ومناهدة

ويمكن ضرب كفوف

ياحفيظ

حاتجن ياريت يا أخواننا

مارحتش لندن ولا باريز

**************
ولا فيش ميت الف صعيدى

بتوع يابصيب هاجمين

ولافيش

ميت الف معوض داعس

جاى معاه صندوق ورنيش

والله كرهت القهوة

وحرمت أقعد ع الأفاريز

حاتجن ياريت يا أخواننا

مارحتش لندن ولا باريز

**************
حاتجن ياريت ياخوانا

مارحتش لندن ولا باريز

دى بلاد تمدين

ونضافه وزوق ولطافه

وحاجه تغيظ

بيرم التونسي - صفحة 4 862974

اختيارات جميلة .. منة الله
ربنا يرجعك بالسلامة ...
وتكملى ملف بيرم التونسى

++