عدنا إليكم بمسابقة أحلى أكلة من إيديا

الله يا ابراهيم واضح انها حلوة اوووى

بغض النظر عن الظلام الدامس دة

بس اكيد الطعم كان جميل

تسلم ايدك

******

وسع يابنى انت وهوا وهيا

وطالما نيرة جت يبقى فيه اكله جديدة

النهاردة بقى بما اننا فى رمضان والكنافة بقى

انا عملتلكم كنافة بالكاسترد

نقول بقى المكونات والطريقة ونرفقها بالصور

المكونات

كنافة طبعا

كاسترد

سكر

لبن

مكسرات ( زبيب وجوز الهند و سودانى مكسر )

سمن بلدى

الطريقة
***

فى الاول قبل ما نبدأ فى الكنافة

هنعمل الكاسترد .. والكاسترد دة عبارة عن مسحوق كاسترد بيتباع طبعا فى اى سوبر ماركت

وطريقة عمله سهلة .. واللى ميعرفش يعملها .. الطريقة مكتوبة على دهر العلبة

بس هقولها بردو

هنجيب معلقتين بودرة كاسترد .. وقدعم معلقتين سكر بودرة .. ونص كوباية ماية .. ونشا..

وكوبايتين لبن


هنحط النشا ونقلبهم فى الماية عشان تدوب.. نحط بقى بودرة الكاسترد على بالسكر البودرة على اللبن على النشا الدايبة فى الماية

ونقلب المكونات كلهم على بعض لحد ما يتجانسوا .. ونحطهم على نار ونقلب نقلب نقلب

لخد ما نلاقى الكاسترد لونة أصفر شوية وبدأ يتماسك

هندوقه نلاقى طعمه بقى زى الطعم العادى المتماسك .. هنسيب بقى الكاسترد يبرد عشان نعمل بيه الكنافة

عشان لو عملنا الكنافة والكاسترد سخن.. الكاسترد هينزل من بين طبقات الكنافة للصنية

ما علينا بقى

نقول طريقة الكنافة بقى

نجيب صنية ونحط جواها سمن بلدى ونفرده بالشكل دة



نحط طبقة كنافة كدة



وبعدين نحط علي طبقة الكنافة .. سكر ومكسرات .. زبيب وجوز الهند و سودانى

كدة



دلوقتى بقى دووور الكاسترد البارد

نحط طبقة كاسترد كدة



نفرد الكاسترد على الكنافة كدة



وبعدين نعمل تانى نفس الحركات دى

نحط طبقة كنافة وفوقيها مكسرات وسكر

بعدين بقى نبدأ نسوى الكنافة

احنا بنسويها على البوتجاز وفيه ناس بتعملها فى الفرن .. انا بقى سويتها على البوتجاز

المهم اتحمرت فقلبتها على الوش التانى

وكان شكلها اكدة




وبعدين بقى نجيب اللبن ونسخنه ونبدأ نشربها ( اصلها عطشانة )

المهم بقى اللبن بعملها طعم هاااااايل

وبعدين نسيبها لحد ما تكون اتحمرت وش ودهر

ودة بيكون المنتج النهائى





ودة بحاول اوريكم الكاسترد



وبالهنا والشفا

ونأسف لرداءة الصور

لانها مش بموبايلى دة موبايل مامتى

مع تحيـــــــــــاتى

الشيــــــــف نيــــــرة

هههههههههههههههههههههههههه
تسلم اخي

تسلم ايييييييييييدك نيرووووووووووووووووووووووووووووووو و

تسلم ايدك يا نيرة

جميلة واعتقد لو الصور كانت حلوة كانت هتبينها اكتر

تسلم ايديكي يا جميلة

بالفعل شغل رائع يا نيره
يا سلااااااااااااااااااااااام
جااااامد للغايه
بالتوفيق وحطي كمان برضو

بالظبط كده حطوا كماااااااان
لان الغرض من المسابقة مش الفوز الغرض منها نتعلم من بعضنا ودا الأهم
تسلم اييييييييدكم يارب

اااااااااااااااااااااه



انا بحقد عليكوا حتى الولاد بتعرف تطبخ وانا مش بعرف

بصوا ياجماعه انا عندى فكره

بعد الجواز ان شاء الله هجيب جوزى

واجى اقعد عند اى حد فيكم

ااه ماهو الاصحاب برده لازم يشيلوا بعض

ولا احنا مش اصحاب اللى عنه استعداد

يعرفنى اعمل حسابى عليه

هههههههههههههههههه انا بعيد
بفلسطين ههههههههههههههه
بس لازم تعملي ايي شيء يا نور

انت بتتريق عليه ياابراهيم

ادعى عليك تخلف بنت مبتعرفش تطبخ

ولا هنروح بعيد ليه ان شاء الله هتتجوز واحده مش بتعرف تطبخ

وابقى انت اطبخلها بقه

مش عامللى فيها شيف

لا لازم تشاركي نووووووووووووووور
حتى بكوباية عصيييييييييييييييييييييييييييير
مستنياكي نووووووووووووووووور
يا جماعة لسة في ناس كتير مش شاركت
فينك---------------؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مش عايزة اقول اسماء بس
يلا بقىىىىىىىىىىىىىىىىىى
اي شييييييييييييييييييييييييييييييييييييييييييييييييييييييييييء مش مهم الفوز المهم نتعلم ونشارك بعض

يا ميسسسسسساء الاكل

النهاردة عملتلكم طبق جديد

وهو فاصوليا خصراء

فى البداية نقول المقادير

فاصوليا خضرا متقطعة قطع صغيرة

بصل

طماطم معصورة فى الخلاط

ملح وفلفل اسود وكمون

زيت

( انا مش بقول مثلا كيلو وكام بصلة وكدة عشان انا بعمل بالبركة

بس تقريبا لو كيلو فاصوليا ياخد 2 طماطمية متوسطة الحجم وبصلو واحدة وسط بردو )

الطريقة مرفقة بالصور

فى البداية هنجيب طاسة ونقطع فيها البصل قطع صغيرة والاسهل انها تتضرب فى كويكى او كابة

نحط البصلة فى الطاسة وعليها شوية زيت

ونحطها على النار



طبعا نفضل تقلبها لحد لونها ما يكون دهبى شوية بالشكل دة



( محدش يتريق على الطاسة بتاعتنا )

وبعدين فى ذات نفس الوقت نكون جابيبن الفاصوليا وبنسويها فى شوية زيت

بس فى حلة بقى

بالشكل دة بردك



البصلة بعد ما تتحمر شوية نحط عليها صلصة الطماطم والملح والفلفل الاسود والكمون

وهيكون شكلها اكدة



نسيبها بقى لحد ما تتغلى وقلبها يتقطع وتبقى شبهه الصلصة اللى بتتشرى فى اكياس

وفى ذات نفس اللحظة بردك نكون بنقلب فى الفاصوليا لحد ما لونها يتحول من اللون الاخضر

الفاتح للون الزيتى المغمق

إكدة يعنى


اول ما يتحول للون دة نعرف انها استوت .. فنضيف لها تقريبا كوب واحد من الماء بس مش كتير

بعدين هتبدأ بقى تستوى فى الماء لحد لونها ما يبقى زيتى خاااااالص .. او لونها زى ما بناكولها

نبص بصاية بقى على الطماطم والبصل عشان الصورة دى عجبانى اوووى

والبخار جاى على الموبايل كدة





هنبدأ بقى نحط الطماطم بالبصل دى على الفاصوليا

كدة



ونزودها بالماااااء لحد ما تستغطى




وبعدين نقلبها كدة

ونسيبها تغلى بقى وتستوى



والمنتج النهائى هيكون شكله كدة









بس الجديد بقى اللى متعرفهوش

انا طلعت مش مستوية

وربنا ستر انها مش كانت اكلة اساسية كان معاها لحوم ومكرونات وكدة

فمحدش خد باله غيرى انا ومامتى

المهم تاوينا الجريمة وحطيناها على النار تانى وسويناها

سمبووووسة

محشي كوسة ومكرونة بالبشاميل بحشوة الشاورما
على السريع كده










طبعا المكرونة معروفة
بس الفرق في الحشوة
دجاج مسلوق ومقطع شرائح بصل فلفل قطع صغيرة طماطم بهارات منوعة كركم تقلب على النار مع زيت ثم آخر خطوة نضع بقدونس ونحشي بها المكرونة مع شرائح الزيتون الأسود
بنعمل البشاميل عادي طحين مع زبدة على زيت ونضيف له الحليب المغلي شوية شوية لحد ما يكون السمك اللي احنا عايزينه
ولما يبرد بنحط عليه بيضتين ثلاثة وفلفل أسود ونقلبه وعلشان كده لازم يكون البشاميل تقيل علشان لما نضيف البيض هيخف كتير فناخد بالنا علشان لازم تكون الطبقة متماسكة اللي هنحطها في المكرونة علشان ما تنشفش

نخلط نصف البشاميل مع المكرونة وندهن الصينية
نضع نصف المكرونة ونضع بعد ذلك الحشوة المعدة مسبقا نضع قطع من الجبن المثلثات ( النستو)أو السائل او شيدر او رومي مع سائل

بس الجبن السائل او المثلثات بيعطيها طراوة وفيه ناس بتحط قشدة
وبعد كده نحط باقي المكرونة نغطي بها الحشوة ثم نضع باقي البشاميل ونكسر بيضه ونحط عليها فلفل أسود وملح قليييييييييييييييييييييييل ونضعها على الوجهة
الوجهة هنا الصورة ظاهرة انه محروق بس هو في الحقيقة لااااااااا
نضع على الوجهة زيت او سمنة وتاخبز في الفرن
وبالهنا والشفا


دي حشوة


دجاج مقطع مع الاضافات السابقة مثل الشاورما


دجاج مسلوق اولا ومقطع وعليه الاضافات السابقة






آسفة يا جماعة بس الصور بتاخد وقت شوية في التحمييييييييييييييييييييييييييييييل

ايه دة يا جماعة

الله يسامحكوا

واضح انها لذيذة يا نيروووووة

..............................

ايه الجمال دة يا فارس جميلة قوي انا بحب اي حاجة داخل فيها زيتون

بس هو السمبوسك دة بيتشري جاهز ولا بيتعمل

...................

امممممم

روز دايما كدة مدوخانا

ما شاء الله يا روز انا بيعجبني البشاميل بتاعك

بيبقي شكله جميل

بس هو انتي مش بتحمري الكوسة في الفرن ؟؟

هههه لا السمبوسة العجينة نفسها جاهزة بس الحشوة اللي عاملين بيها زي بتاعة المكرونة

=-=-=-=-=
لاااا بحمرها بس هنا كان خلاص الآذان أذن فدخلت الحلة في الفرن تتحمر وخدت دول على جنب أصورهم وخلاص قبل ما أبو العيال يجي يقولي ايه الهبل اللي بتعمليه ده

هههههههههههه

عسل يا روز



................

اه ما انا بسأل العجينة بتبقي جاهزة ولا لا

اه العجينة جاهزة
بنشتريها ونحشيها ونقليها

ممكن تتعمل في البيت بالعجين بس بلا وجع دماااااااااااااااغ

دي بشتريها مش من السوبر ماركت بشتريها من المخابز فبتكون هشة وطرية وحلوة

اللـــــــــه على السمبووووسة

تحفة مالهاش حل

عملتهالنا ماما مرة بس كانت مرررررة حلووووة

تسلم الايادى يا فارس

**

رووووز بجد كدة كتيييييير

يعنى عاملة طبق فيه كل الحاجات اللى بموت فيها

مكرونة بشاميل ومحشى كوسة

وشاورما فراخ

تسلم ايدك روووز بجد طباخة هايلة

بس البشاميل انتى حتطة جواه جبنة ودى الحاجة المختلفة عننا اننا مش بنحطها فيها

اقتباس :

قبل ما أبو العيال يجي يقولي ايه الهبل اللي بتعمليه ده

هههههههههه عسولة ياروز

انا امى قالتهالى فعلا .. بس انا عودتها خلاص .. مش بدخل المطبخ غير بالموبايل

وبفضل اقولها راقبى الجو احسن يكون بابا جاى ويشوفنى

*****

تسلم الايااااااااادى بجد جوعتوووونا

بجد تسلم الايادي

روووووووووووووووعة

ان شاءالله راح اكتب المقادير بكرة ان شاءالله

الصورة مش باينة عندي يا سوسو

عندي برضو مش باينه

وانا كمان مو ظاهرة عندي