عدنا إليكم بمسابقة أحلى أكلة من إيديا

كشري


















مع الصلصة والدأة والطماطم بالكمون والخل والثوم

الطريقة معروفة بس حبيت أكتبها للاستفادة ولانها من شروط المسابقة

=-=-=-=-=-=
نسلق العدس الأسود في مياه مغلية مع اضافة كمون وقطع من الثوم والملح



----------



=-=-=-=-=-=-=

نجهز كمية الرز المطلوبة ونضيف عليها عدس أصفر ويطبخ مستخدمين المياة الناتجة من سلق العدس حتى تعطيه نكهة الكشري واللي يحب يطبخة بمية عادية ما فيش مشكلة

هو طبعا بيتعمل بالرز المصري بس انا هنا عملته بالبسمتي اللي عندي وطلع جميل برضه



----------------------

المكرونة نقوم بسلقها
انا بحب أضع عدة أشكال بس اهم شيء تكون من نوع واحد يعني ماركة واحدة علشان لما يتسلقوا مع بعض يكونوا نفس السوى كمان نراعي الاحجام واحنا بنحط
يعني لو نوع بيحتاج سلق اكثر نضيفه الاول وهكذا او نسلق كل واحد على حدا لو مش هيزبط معانا
انا حطيت نوعين صغيرين وكمان مكرونة اسباجتي قطعطها صغير بتعطي طعم وشكل حلو




-------------------------

وطبعا يقطع البصل جوانج ويقلى في زيت
وبعدين لما نخلص قلي البصل ناخد الزيت ونقلب فيه المكرونة المسلوقة ونظبط الملح ولو قليل من الفلفل

ثم نضيف الرز والعدس والمكرونة طبقات ونضع على الوجه البصل المحمر

ممكن وضع حمص مسلوق
ولكن ننقعه أولا ولما نلاقي الحبة نفخت نسلقه ونضعه على الوجه
انا كنت نسيت انقعه فما عملتهوش

-------------
الدأة عبارة عن
ثووووووم كتيييييييير يقلى في زيت لحد بس ما يصفر نضيف كمون كتير وخل وفلفل أسود خفيييييييييييف وشوية مية قليل

ونسيبه شوية صغيرين وبس
( خلوا بالكوا علشان ما يحمرش الثوم او يتحرق مش هيبقى حلو)

---------------

طماطم بالكمون والثوم
---
نجيب طماطم نقطعها صغير وثوم فص او فصين
وبعدين نضيف خل وكمون وملح
ونتركه في الثلاجة شوية يتبل كويس
---------
واللي يحب يعمل سلطة خضراء بيكون حلوة كمان

أي أسئلة

إن شاء الله هصوت للطبق دة

اخيراااااا عرفت ارفعلكم الجيلي

انا عاملاه من زمان









ودي كمية كبيرة عملتها قلت أأكل المنتدي كله بمناسبة نجاح بيبو وتخرجه

بس اتأخر بقي ما لكمش نصيب









الطريقة بقي

طريقة الجيلي العادية مكتوبة علي الكيس

بس انا بزود الماية وبعمله خفيف وسكر قليل

بحط فيه مكسرات زبيب وسوداني وجوز هند

جوز هند بيطلع فوق الوش والباقي بينزل تحت

بيتحط يبرد في التلاجة

وبعد ما يجمد نطلعه

بعمل كريم شانتيه جاهز بودر وبحطلها لبن انا

ويتحط علي والوش بعد ما يجمد

وكرز في الآخر ظازة ويتحط بالبتاعه اللي فيه دي مش عارفة اسمها ايه علشان اول ما تاكل تشيلها منها

ويتحط في التلاجة تاني

وبالهنا والشفا

ندخل بقي علي ام علي

واللي ما دخلتش مزاجي خالص

بس اهي شغالة

برضه طريقتها سهلة علي العلبة

ومعاها كريم كدة ما لوش لزمة بيسيح

وحطيت عليها انا مكسرات زبيب ولوز وبندق ودول كانوا العدلين اللي فيها

علي راي ماما عاملة زي فتة العيش باللبن







علشان ما اظلمهاش يمكن اكون انا مش عاملاها كويس اصل في ناس بتتغني بحلاوة وجمال ام علي

يا صباح الجيلى والحاجة ام على

احنا بنعمل الجيلى زى ما هو مكتوب على العلبة ومن غير كريم شانتيه ولا الكرزة الحلوة دى

بس عمرى ما جربت الحاجة ام على دى

ولما سألت ماما هيا عبارة عن ايه يعنى

قالتلى نفس كلمة مامتك فتة عيش باللبن

بس عموممممممما تسلم الايااااااااادى

الجيلى مغرى جداااااا

وانا اخدت بتاعتى بقى على فكرة

انتي تؤمري يا نيرو

خدي اتنين لو تحبي

اللازانيا

انا كنت اول مرة اعملها او ادوقها وطلعت حلوة وتستاهل فلوسها يعني

المهم انا صورت الطريقة وكتبتلكم علي الصور الخطوات

الله على الفن
بس انا عايز اسأل
المسابقه حتصير امتى بالزبط ؟ ؟

Niera كتب:

إن شاء الله هصوت للطبق دة

هههه و آدي صوت من نيروووووووووو مين يزوووووووووووووووووود


=-=-=-=-=-=-=-=-=-=-=-=

إيه الحاجات الشديدة دي أيووووووووووووووووووووووووووووت
رووووووووووووووعة
فتحتي نفسي و انا صايمة ههه

الجيلي شكله جمييييييييييل وجيبتي الكرز منين ؟؟ موجود في مصر فريش ؟؟
على أيامينا ما كانش فيه كرز

=-=-=-=-=-=-
أم علي دي بقى طبق أحمد المفضل بيحبها جدااااا
على فكرة لو دقتيها في كذا مكان مش هتلاقي لها نفس الطعم
في ناس بتقدر تظبتها وبيكون وقتها طعمها رائع زي ما قلتي كده
أقصد الشيفات نفسهم مش كلهم بيعملوها حلو وهي بتتعمل ممكن بجلاش او عجينة الرقائق الهشة البف باستري أو الكرواسانت
ممكن ده اللي بيخليها تفرق من واحد لواحد
انا عن نفسي كلتها كتير جاهزة بس ما جربت اعملها من اولها لآخرها
عملتها مرة زي ما عملتي كده بالاكياس الجاهزة
هما قالولي انها طلعت حلوة بس انا ما اقتنعتش بيها برضه لاني دوقتها بره وعارفة المظبوطة بتبقى ازاي


---------------
اللازانيا بقى هتخليني أجيبها ان شاء الله واعملها تاني
فكرتيني بيها
فرصة معايا شوية فلوس من العيد أجيبها على حسابي بقى علشان لو لا قدر الله كده ولا كده ما حدش يتكلم هههههه

مستنية الصينية أيوت علشان العيال مش هينفع معاهعم طبق

تسلم ايدك ايوت
إنت عارفة ايوت جربي في اللحمة المفرومة ما تحطيش مية من الاول
يعني مثلا هتشوحي البصلة وتضيفي عليها اللحمة شوحيها بسيط كده مع بهارات لو عايزة وفلفل اسود وكده
وبعدين وطي عليها كل ما تحتاج مية حطي لها شوية بشوية لحد ما تستوي
بس ما تنسيهاش علشان ما تتحرقش وتلزق
فيه ناس بعد ما اللحمة المفرومة تستوي خالص بتضيف عليها شوية عصير طماطم وبعدين تسيبها تتسبك للناس الللي بتحب اللحمة المفرومة اللي جواها حمراء

تسلم ايدك ايوت
=-=-=-=-=-=-=-=-=
ان شاء الله نقفلها قريب ابراهيم هو بس الناس بتاخد وقت لحد ما تنزل الاطباق من ناحية ومن ناحية برضه انا والبنات بنتعلم من بعضنا
بس ان شاء الله قربنا نقفلها

اقتباس :

الجيلي شكله جمييييييييييل وجيبتي الكرز منين ؟؟ موجود في مصر فريش ؟؟

آه موجود في السوبر ماركت الكبيرة

وفي بعض محلات الفاكهة

وبتلاقي سعره مكتوب عليه بالربع كيلو لانه غالي شوية

...............................

وبالنسبة للحمة المفرومة ماما بتعملها زي ما بتقولي كدة

بس انا كنت صايمة ومش عارفة طيابها مظبوط

فحطيت ماية وعليت النار عليها خالص

علشان تطيب بسرعة لأني بداتها متاخر قبل الفطار

وما رضيتش احط طماطم علشان هي اصلا الاكلة دي تقيلة

والطماطم تتقلها اكتر

شكرااااااا روزتي

هو الي انا عملته اكيد مش حيفوز هههههههههههه

تسلم ايييييييييييييدك أيووووووووووووووووووت انا مبسووووووووطة دايما بالمشاركات الحلوة اللي بنتعلم منها دي
=-=-=-=-=-=-=-=
إن شاء الله هنقفل المسابقة يوم الأربعاء القادم لو حد حابب يشاااااااااااااااارك ما يتأخرش
منتظرييييييييييييييييييييييين مشاركاتكم الجميلة

آخر كلام يا جماعة ؟؟؟؟؟؟
حد هيشارك تاني؟؟؟؟؟؟؟؟؟؟
ولا ننزل التصويت بكرة ان شاء الله

تحبوا ينزل ازاي التصويت على اللأطباق
زي السنة اللي فاتت أعمل موضوع منفصل لكل طبق في قسم لحاله في المنتدى؟

ايوة بيتهيالي كدة افضل يا روز

كمان هتبقي اسهل السنة دي لان في كا موضوع اساسا معمولين جاهزين

هو انا مشفتهاش السنه الفاتت كانت ازاي
بس الي بتعمليه بيكون كويس منك يا روز
بالتوفيق

يالا يا روزتى ابدأى التصويت بقى

مع ان فيه رحال وملاك وسوسو وسواحو مش شاركونا

بس يالا نبدأ

وبالتوفيق للجميع

نسيت اقولك تسلم اييييييييييييدك ايوووووووووتة

هتكونى طباخة شاطرة إن شاء الله

يا رب اكون الحقت قبل ما تخلص المسابقة واذا ما الحقت خلاص ماالي نصيب اشارك


انا بعتت عصير مانجو


وهاي طريقة العصير المانجا

مقادير عصير المانجو **يعني زي اللي مو عارفين طريقتوا ههههههههههههههه**
3 حبات مانجو كبيرة
1 كوب عصير ليمون
2 كوب ماء
1 كوب سكر


نتاكد من ان المانجو طرية وناضجة ونقوم بتقشيرهااا ونتخلص من القشر
يوضع المانجو في خلاط كهربائي ثم يضاف عصير الليمون والماء والسكر ويخلط جيدا
يغطي الخليط ويترك في الثلاجة ليبرد قبل تقديمه

تمام ملاك تسلم ايييييييييييييييييييييييييييييييدك ان شاء الله ينزل التصويت اليوم
آآآآآسفة على التأخيييييييييييييير

مغلق

مبااااااااااااارك لكل من شااااااارك الوساااااااااااااام

الوسام من تصميم نسمة شموخ --سلمى--
جزاها الله كل خير

مباااااااااارك لكل من شارك هدا الوسام وهدا الفووووز يارب