عدنا إليكم بمسابقة أحلى أكلة من إيديا

انا بقي انهردا م الصبح واقفه فالمطبخ مع امي طبعا
عمالين صنيه فراخ وصنيه بطاطس بالكوسة ورز بالشعرية
هحاول اصورهم وانزل الصور
هصورهم اه بس انزلهم دي عندي مشاكل فالجهاز ربنا يشفيه


تحبي تاكلي ايه تاني يا روزة ؟؟؟؟؟؟؟؟؟؟ظ

سلومة هتعمللنا ايه يا تري ؟؟؟؟؟؟؟؟

انا عن نفسي جعااااااااااانة هاتوا إنتم بس وسيبووووووووني أعييييييييييييييش
ههه

اقتباس :

سلومة هتعمللنا ايه يا تري ؟؟؟؟؟؟؟؟

خليها مفاجاه يابت

انتي تؤمري يا روزة والله
هطبخ لاعز منك !!!!

_
ماشي يا سلومة يا رب بس متكونشي ماشنكاح

واااااو حلوة قوي يا آية
فرصة عندي كوسة ان شاء الله أجربها

روز ماما اقترحت حاجة كانت بتعملها مع الكشك
افضل من دي كمان
تعملي نفس الخطوات بس بدل ما تحمري التوم وتحطي عليه الشوربة لا تغلي الشوربة عادي وبعدين تحمري التوم في زيت قليل مع نعناع ناشف وشوية ملح خفيفمع كزبرة ناشفة وتحطيها علي وش كل طبق عند التقديم بس زيت قليل علشان ما يبوظش الدنيا كمان ممكن لو ما عندكيش قرع تستخدمي جزر

يا سلام عالسرعه يا ايوت

تسلم الايادي

تمام ايوت انا كنت هعملها النهاردة بس دورت في الثلاجة مش لاقية ولا جزرة
لازم ان شاء الله أجيب جزر و اعملها
----

انا بقى مع الكشك بقطع بصل صغير وبقليه وبحطه على الوش
نجرررررب ان شاء الله
ان شاء الله تظبط

الظاهر ما حدش ناوي يشارك غيري
هكسب بقي بالتزكية



صينية القرع العسل ببشاميل حلو
المكونات
كيلو قرع عسل
نص كيلو سكر
(ممكن كيلووكيلو للناس اللي بتحب السكر كتير )
مكسرات
(زبيب جوز هند سوداني علي الأقل )
نص كوب لبن
5 معالق كبيرة نشا
3 معالق سمن أ و زبدة

الطريقة
نحط القرع مع السكر علي النار بدوووووووون ماء
هيغلي وينزل ميته لغاية ما يبقي طري جدا وسهل الهرس
هنصفي القرع من اماية والسكر اللي هتطلع منه
علشان هنستخدمها في عمل البشاميل الحلو
نهرس القرع مع المكسرات لغاية ما يبقي زي العجينة كدة
نحضر بقي البشاميل كالتالي
نجيب الماية اللي طلعت من القرع وناخد منها كوبايتين ونحط عليهم كوباية ماية باردة
في نفس الوقت نكون دوبنا النشا في نص كوباية اللبن
ونفضيها علي خليط الماء والماية اللي طالعة من القرع ونسيبها تغلي علي النار لغاية ما تعمل
مهلبية بس تبقي ملظلظة علي الآخر
بس اهم حاجة ما تكلكعش مننا
اول ما نطفي النار نحط علي طوووووول السمن
علي المهلبية اللي طلعتلنا دي ونخفقها كويس قوي
نجيب بقي صينية
ونحط فيها البشاميل في القاع شوية من غير ما ندهنها سمن لأن البشاميل فيه سمن كتير
نحط القرع في النص بالمكسرات
ونحط بشاميل فوق الوش
ونحطها في الفرن في نار عالية يتحمر ياخد وش بس
مش هيحتاج يستوي
وبعدين نبردها ونحطها في التلاجة ونطلعها نقطعها
ونقدمها هكذااااا









وبالهنا والشفا
انا اول مرة اعملها علي فكرة
كنت مش بحب القرع
اول مرة اكله
جربوها بجد تحفففففففففففة

جميلة جدااااااا أيوت
تسلم ايدك

هيا ايه الاكلة دى ايووووتة؟

اسمها ايه

بصي يا نيرو
انا واخدة فكرتها هنا من موضوع للفارس
كان اسمه شولربة الخضار بالارز
بس انا بدلت الجزر بقرع عسل

اووووووك ايوووووووتة

شكلك طباخة ماهرة ما شاء الله عليكى

النهاردة احلى اصحاب بما انكم جيتوا البحيرة يبقى لازم نعزمكم على سمك

الاكلة بقى اللى عملتها اسمها (( صلصة سمك )) الاكلة دى مشهورة عندنا اوووى

المهم نشوف الصور الاول وبعدين نقول المقادير والطريقة

ملحوووظة : الصور مش شبهه الحقيقة مش عارفة ليه كدة



المقادير

4 حبات طماطم
ثوم حسب الطلب
زيت
ملح وبهارات
سمك طبعا


الطريقة

اولا نبدأ نعمل الصلصة وهى عبارة عن :

نحط الثوم مع الزيت على النار لحد ما لونه يبقى ذهبى شوية .. نضيف الطماطم بعد ما بقت صلصة ومضروبة فى الخلاط

نحط الملح والبهارات.. نسيبها ع النار شوية لحد ما تنشف او تمسك يعنى

نبدأ نقلى السمك ( سمك بلطى متنضف اكيييد ) . نقلية قلى خفيف مش نحمره اوووى ( لكن انا وانا بعمل قليته اوووى فطلع شكله غامق شوية زى اللى فى الصورة كدة )

المهم بقى نحط السمك فى الصلصة ونزود ماية لحد ما نغطى السمك .. نسيبة ع النار يغلى شوية وندوق بقى ونظبط الملح والبهارات

نسيبها على النار من 30 ل 40 دقيقة لحد ما تبقى متماسكة وعلى رأى مامتى مش صايصة

وتقدم صلصة السمك مع أرز ابيض ودة هشارك بيه ف مشاركة لوحده إن شاء الله ومخللات

وبالهنا والشفـــــــــا

مع تحيات الشيف : نـــــــيــــــــرة

يالهووووووووووي دانا بموت فالسمك الصلصة
بس بدر مابيحبهاش معرفشي ليه بس انا بموت فيها
بجد تسلم الايادي هصوت لها يا بت
_
نيرا
انا كمان صورت الفراخ والمكرونة بس
مش شبه الحقيقه .الحقيقه مغرية اكتر

إيه الحلاوة دي نيرووووووووووووووووووووو
تسلم اييييييييييييييييييييييييد

ياسمينا حبى

الاكلة دى احلى اكله بحبها جدا من وانا صغيرة

فاكرة كان ليا تى شيرت مرسوم عليه سمكة ودة بتاع يوم الاكلة دى

وكنت بقول لماما حطيلى شوربة كتيييييييير ( قصدى على الصلصة يعنى )

ياااااااه كانت ايام

اكيد بدر لما يدوقها من ايدك هيحبها خالص مالص

حاولى بقى تنزلى اكلتك بسررررعة

**

تسلميلى روووز يالا فين شغلك بقى يا روز انتى كمان؟

هو ينفع انزل اكتر من اكله وبعدين اختار واحدة بس انزل بيها المسابقة عشان عملت اكل تانى النهاردة؟

نيرو اجابة علي سؤالك ينفع تنزلي كل الاكل وتنزلي بيه كله المسابقة ان شاء الله
...................................
بالنسبة بقي لصلصة السمك فانا بموووووووووووووووووووووووووووت فيها
اسلام اخويا بقي يديكي مليون جنيه وياخد الطبق دة بيموت فيها جدا جدا
وفعلا كلنا بنتخانق علي الصلصة بتاعتها بيبقي لها طعم مميز
بس احنا بقي الاختلاف الوحيد اننا بنحمر السمك كويس علشان ما يبقاش طري مش بنحبه طري
كمان ماما بتقلي قبل السمك فلفل وبدنجان وبتحطه مع الصلصة
احلي تقييم للشيف نيرو اللي مشرفنا

اشطة جدااااااااااا

دة فيه اقبال جماهيرى فظييييع على الطبق

ممكن تخلى اخوكى يبعت نص المبلغ بس وابعتلك طبقين كمان

تقريبا هيا فكرة انه يبقى نص قلى دى عشان بيرجع يستوى تانى مع الصلصة

وطبعاااااااا الله اعلم

هبقى اسأل امى

خلاص هنزل بقى بقية اطباق اليوم

كنت عاوزة موقع رفع غير عرب شير دة عشان بيزهقنى اوى على ما بيرفع

بيبو مرة كان منزل واحد فى مسابقة الصور بس اناا مش لاقية الموضوع دة

فياريت حد يجيبه دة كان حلو

ثانك يوووو دكتور ايووووت

مركز رفع, مركز رفع الصور, مركز تحميل, مركز تحميل الصور, مركز قم

ر

ايووووووووة هوا دة روووز ربنا يبارك فيكى يارب

***

الاكلة الثانية

الباذنجان المقلى بالثوم والفلفل

طبعا يا ايها السادة الافاضل اذا ذكر الباذنجان ذكرت نيرة احسن واحدة تعمل وتاكل طبعا الباذنجان

النوع دة من البتنجان بتعمل مع انواع السمك وخصوصا المقلى

نشووووف الصور ونقووول بعدها المقادير







المقادير

حبتين بتنجان

ثوم

وفلفل

وكموون

واحيانا كزبرة خضرا


الطريقة

نقطع البتنجان لنصين .. ونحمر البتنجان فى الزين .. ونعرف انه استوى لما نحط فى السكينه يكون طرى وبقى ناعم ومستوى يعنى

نعمل بقى حشوة البتنجان دى

عبارة عن فلفل اخضر وثوم وكمون ( بهارات يعنى ) وفيه ناس بتحط كزبرة وناس مش بتفضلها

ونضربهم فى الكابة او فى كويكى

وبعدين نحطهم على البتنجان ونوزعهم كوووويس

جربووووها وقولولى اييييييه رأيكم ؟؟

انا واثقة انها هتعجبكم جدا إن شاء الله

شكلها لزيزة جامد
تسلم ايديكي يا نيرة